Vai all'intepretativa >>
Arnautz daniels
Ar uei uermeills blaus blancs egruocs. uergiers plans plais tertres euaus. El uotz dels ausels sone tint. Abdouz acort matin etart. Som met encor queu colore mon chan. Du(n)aital flor dolo frugs siamors. Eiois lo gars elolors de noi grandros.
Damor me preu pessam lo fuocs. El desiers dous ecoraus. El mals es amoros que(m) sint. El flama suaus on plus mart. Camors enquier lossieus daital semblan fiels francs fis merceians parcedors. Carasa cort noz enois eual bladres.
A mi nos camia temps ni luocs. Coseills azina bes ni maus. Esieu al mieu enten uos mint jamais la bella nom regart. On mestai cors durme(n) ueillan. Quieu no(n) uoill gos qa(m) pes sas grans ualors. Esser ses lei on plus ualc alisandros.
Mantas uez me soltaz enuocs. Ses lei mas de llei uoill si uaus. Ades dir lo qart mot ol qui(n)t. Quel cor no(n) tei(n)g en autra part. P(er) so nai dals pensame(n)t ni talan. Quil mos de totz los bes sabers. Eueilel cor seren poilla oen fla(n)dres.
Mot desir qen quer fos sos cuocs. Ema ue(n)gues aitals iornaus. Quien uiuria ben danz pluint. Quel cor me ten fresc egaillart. Ua ben son fols que uau doncs als sercan. Enonca uoill mas per gieng treu aillors. Baillir lauer que clau tigres emandros.
Mes autres fatz souen feinz iuocs. El iorns sembla(n) us anoaus. Epessam cardieus nom conssint. Con pogues temps breuiar abart. Que loncs respiegs fai languir fin aman. Lunc soleills trop faitz loncs uostres cors. Pesam car plus souen nos faill resplandres.