| La comtessa didia. xxx. Estat aienconssirer p(er) un cauallier qai agut. Euoill sia totz temps saubut. [.] Cum eu lai amat asobrier. Ara uei q(ue)u sui traida. Quar eu noli donei mamor. On ai estat engrant error. Enleit equant sui uestida. Ben uolria mon cauallier. Tener un ser en mos bratz nut. Quel sen tengra p(er) erre- but. Sol calui fesse cosseillier. Quar plus men sui abellida. No(n) fis floris de bla(n)sa flo(r). Mon cor lautrei emamor. Mon sen mos oillz emauida. Bels amics auinens ebos. Quoraus teu rai en mon poder. Equeiagues ad uos un ser. Equieus des un bais amoros. Sapchat grand talent nauria. Queus tengues en luoc del marit. Ab so que maguessez ple uit. De fartotso queu uolria. |