| Cansos q(ue) fes iofre rudel. | Cansos que fes Iofre Rudel. |
| I | |
| Lan qan li iorn son long | Lanqan li iorn son long en mai |
| enmai. mes bells dous | m’es bells dous chans d’auzells de loinh |
| chans dauzells de loinh. | e qam mi sui partitz de lay |
| e qam mi sui partitz de lay. | remenbra·m d’un’amor de loinh; |
| remenbram dun amor de lo | vau de talan enbroncs e clis |
| inh. uau de talan enbroncs | si que chanz ni flors d’albrespis |
| e clis. si que chanz ni flors dal | no·m val plus qe l’iverz gelatz. |
| brespis. nom ual plus qe li | |
| uerz gelatz. | |
| II | |
| DIeus qi fes tot qan uen e uai. | Dieus qi fes tot qan ven e vai |
| e fermet est amor de loinh. | e fermet est’amor de loinh, |
| mi don poder pos bon cor nai. | mi don poder pos bon cor n’ai |
| con iauzisca damor de loinh. | con iauzisca d’amor de loinh |
| ueraiamentz entals aissis. si | veraiamentz en tals aissis: |
| qe la cambra eliardis. mi re | si qe la cambra el iardis |
| sembles nouells plaissatz. | mi resembles novells plaissatz. |
| III | |
| BEm parra iois qanli qerrai. p | Be·m parra iois qan li qerrai |
| amor dieu lostal deloinh. e sa | per amor Dieu l’ostal de loinh |
| leis plaz alberierai. pres de leis | e s’a leis plaz alberierai |
| si ben sui de loinh. adoncs par | pres de leis si ben sui de loinh, |
| ralparllamentz fis. qan drutz | adoncs parra·l parllamentz fis |
| lointans er tanuesis. ab cortes | qan drutz lointans er tan vesis |
| gieinh iausis solaz. | ab cortes gieinh iausis solaz. |
| IV | |
| IRatz e marritz men partrai. sieu | Iratz e marritz m’en partrai |
| ia la uei lamor de loinh. mas | s’ieu ia la vei l’amor de loinh, |
| non sai siialauerrai. qar trop | mas non sai si ia la verrai |
| son nostras terras loinh. asaz | qar trop son nostras terras loinh, |
| hia pas e camis. per qieunon | asaz hi a pas e camis |
| puesc esser deuis. mas tot sia | per q’ieu non puesc esser devis |
| si con dieu plaz. | mas tot sia si con Dieu plaz. |
| V | |
| UEr dis qimapellet licay. ni dezi | Ver dis qi m’apellet licay |
| ros damor deloinh. qar negu | ni deziros d’amor de loinh, |
| na res tan nom plai. co(m) iazi | qar neguna res tan no·m plai |
| mentz damor deloinh. ai qar | com iazimentz d’amor de loinh. |
| mi fos ieu pelleris. si qe mos | Ai! Qar mi fos ieu pelleris |
| fustz e mos tapis. fos pels sieus | si qe mos fustz e mos tapis |
| bells huellhs remiratz. | fos pels sieus bells huellhs remiratz. |
| VI | |
| IAmais damor non iauzirai. sa | Iamais d’amor non iauzirai |
| qest amor non iau deloinh. qar | s’aqest amor non iau de loinh, |
| meilhor ni gensor non sai. uas | qar meilhor ni gensor non sai |
| nulla part ni pres ni loinh. | vas nulla part ni pres ni loinh, |
| qe tant es sos bos prez sobris. | qe tant es sos bos prez sobris |
| qelai elrenc delssarrazis. fos | qe lai el renc dels sarrazis |
| ieu perleis caitius clamatz. | fos ieu per leis caitius clamatz. |