I.
N'est pas sages ki emprent
A amer en esperanche
K'il ait ja alegement
De dolour ne de grevanche
5 C'Amours li facent sentir,
Se che n'est par bien mentir.
K'il est ensi
Ke ja feme n'amera sen vrai ami.
II.
Je cuidai premierement,
10 Quant je amai en m'enfanche,
Ke pour amer loiaument
Pleüsse a la bele franche
Et ke me vausist cierir,
Mais a che ne puis venir.
15 K'il est ensi
Ke ja feme n'amera sen vrai ami.
III.
Amers ne me vaut noient,
Car mis m'a en oublianche,
Cele ki m'art et esprent;
20 Grans anuis et mescheanche
Li puist awan avenir;
Lie est ke me fait languir.
K'il est ensi
Ke ja feme n'amera sen vrai ami.
IV.
25 J'ai servi si longhement
En pardon et en baanche
Que ja guerredonement
Ne quić avoir n'eskeanche;
Trop est faus ki aservir
30 Se laist por amour servir.
K'il est ensi
Ke ja feme n'amera sen vrai ami.
V.
Se j'ai parlé folement
Ne dit nule outrequidanche
35 De feme, je m'en repent,
Mais ire et desesperanche
M'a fait avoir cest aïr,
Dont encor ne puis issir.
K'il est ensi
40 Ke ja feme n'amera sen vrai ami.
i. 1. SP., Stengel qui ii. 13. Stengel vousist iii. 19 SP., Stengel qui 21. Stengel ouan iv. 25. Stengel corregge in J'ai la lettura di Noack Ja; il ms. riporta Iai. 29 Stengel fous v. 34 Stengel mule, indubbiamente errore di stampa (cf. anche SP. in apparato)