| pegulhan. | Pegulhan |
| I | |
|
Atressim pren pegulhan. |
Atressi·m pren quom fai al ioguador, qu'al comensar iogua mayestrilmen a petits iuecs pueis s'escalfa perden, que·l fai montar tan qu'es en la folhor, aissi·m mis ieu pauc e pauc en la via, que cuiava amar ab mayestria si qu'en pogues partir quan me volgues, on sui intraz tan qu'issir non puesc ges. |
| II | |
| Autrauetz fui en la preizon da mor. don escapei mas aoram repre(n). ab un cortes engienh tan sotilme(n). quem fa plazer momal e ma dolor. qun latz me fetz entrel colh ab quem lia. don per mon grat mai nom desliaria. e nulhs autrom q(ue) fos liatz non es. quil deslies q(ue) be non li plagues. |
Autra vetz fui en la preizon d'amor don escapei, mas aora·m repren ab un cortes engienh tan sotilmen que·m fa plazer mo mal e ma dolor, q'un latz me fetz entr'el colh ab que·m lia, don per mon grat mai no·m desliaria e nulhs autr' om que fos liatz non es, qui·l deslies que be no li plagues. |
| III | |
| Anc mais nulh temps no trobei liador. tan ferm lies ab tan pauc liamen. quel liams fo dun dous bays solamen. don non truep sai qui desli ni alhor. enliamatz sui tan que sim uolia. desliamar ges far non o poiria. quamors quel liamen em pres. menliama sai plus fort per un tres. |
Anc mais nulh temps no trobei liador tan ferm lies ab tan pauc liamen, que·l liams fo d'un dous bays solamen, don non truep sai qui desli ni alhor. Enliamatz sui tan que, si·m volia desliamar, ges far non o poiria, qu'amors, que'l liamen e·m pres, m'en liama sai plus fort per un tres. |
| IV | |
| Aley del fer que ua ses tirador. uas laziman quel tira uas si gen a mors quem sap tirar ses tirame(n). mas tirar ma seuals per la melhor. quar si dautra melhuirar me sa bia. tant am lo mielhs q(ue) bem melhuiraria. mas melhuirar no cre que men pogues. ueus p(er) que ma part las melhors conq(ue)s. |
A ley del fer que va ses tirador vas l'aziman que·l tira vas si gen, amors, que·m sap tirar ses tiramen mas tirar m'a sevals per la melhor quar si d'autra melhuirar me sabia, tant am lo mielhs que be·m melhuiraria, mas melhuirar no cre que m'en pogues: ve·us per que m'a part las melhors conques. |
| V | |
| Na gentil cors format pl(us) gen que flors. aiatz de me qualacom chauzimen. quar muer per uos denuey e de talen. e podetz o proar a ma color. quan uos remir ques trasua es cambia. per que fora al morn e cortezia. qumilitatz mer ceyan uos prezes. da quest cochat sofrachos de totz bes. |
Na gentils cors format plus gen que flor, aiatz de me qualacom chauzimen, quar muer per vos d'envey'e de talen e podetz o proar a ma color, quan vos remir, que·s trasva e·s cambia, per que fora almorn'e cortezia q'humilitatz merceyan vos prezes d'aquest cochat sofrachos de totz bes. |
| VI | |
| B em platz guillem mal espi nal marques. quar conq(ue)r pretz e pretz a lieys conques. |
Be·m platz Guillem Malespina·l marques, quar conquer pretz e pretz a lieys conques. |
| VII | |
| Na beatritz de lo ben quen uos es. tan melhoirar las autras ab lors bes
|
Na Beatritz de lo ben qu'en vos es, fa melhoirar las autras ab lors bes.
|