| Aimeric de Peguilhan | |
| I | |
| L J folh Aymerics de pegu el put el filhol. creisson trop e non es belh. el croy ioglaret nouelh. enuey- os e mal parlan.corron un pauc trop enan. e son ia li mordedor. p(er) un de nos duy deus lor. e no(n) es quils nesquerna. |
Li folh e·l put e·l filhol creisson trop, e non es belh, e·l croy joglaret novelh enueyos e mal parlan corron un pauc trop enan; e son ja li mordedor per un de nos duy Deus lor, e non es quils n'esquerna. |
| II | |
| G reu es quar hom lor o col. e no lor en fai reuelh. non o dic contran sordelh. quelh non es daital semblan. ni nos ua ges percassan. si quel caualier doctor. mas quan falhol prestador. no pot far cinc ni cincs terna. |
Greu es quar hom lor o col e non lor en fai revelh. Non o dic contra·N Sordelh, qu'elh non es d'aital semblan ni no·s va ges percassan si quel cavalier doctor, mas quan falho·l prestador, no pot far cinc ni cincs terna. |
| III | |
| L o marques part pinairol. que ten saluze reuelh. no uuel que absi ma pel. en sa cort do(n) uau lunhan. per saual que sap de fan esser mayestre tutor. ni un autre tuador. quieu nouuelh dir de lu zerna. |
Lo marques part Pinairol, que ten Saluz e Revelh, no vuel que ab si ma pel en sa cort don vau lunhan Persaval, que sap d'efan esser mayestr'e tutor, ni un autre tuador, qu'ieu no vuelh dir, de Luzerna. |
| IV | |
| A itals los a cu(m) los uel. lo marques den cautarel. nicho let el trufarel. que uenon ab luy e uan. e non del ben son trobat dun color. a tals uassals tal senhor. dieus lor do uita eterna.- |
Aitals los a cum los vel lo marques, d'En Cautarel, Nicholet e·l Trufarel, que venon ab luj e van e non del per lor dan. Ben son trobat d'un color: a tals vassals, tal senhor! Dieus lor do vita eterna. |
| V | |
| A r ueiretz uenir lestol ues ma lespinal tropelh. don an la carn e la pelh. (e)t ades on piegz lor fan e menhs de merce lor an. trop son li combatedor. e pauc li de fendedor. mortz son si dieus nols gouerna. |
Ar veiretz venir l'estol ves Malespin'al tropelh, don an la carn e la pelh. Et ades on piegz lor fan e menhs de merce lor an, trop son li combatedor e pauc li defendedor: mortz son si Dieus no·ls governa. |
| VI | |
| E stampidas e ru mor. sai quen faran entre lor. menassan en la tauerna. |
Estampidas e rumor sai que·n faran entre lor, menassan en la taverna. |