Tu sei qui

Edizione diplomatica

Schede primarie

Bernartz de uentedorn.
QAn par la flors iostal uert fu-
oill. e uei lo temps clar e sere.
el doutz chant dels auzels pel bru-
oill. Ma doussa lo cor em reue. pois
lauseill chanton a lor for. eu qai

mais de ioi emon cor. dei ben cantar
pois tuich li mei iornal. Son ioi e
chant qieu non pens de ren al.

Cella del mon cal eu plus uuoill. e
mais lam decor e defe. au de ioi mos
digz els acuoill. e mos precs escouta
e rete. e som ia p(er) ben amar mor. eu
en morrai qinz emon cor. li port a
mor tant fina enatural. que tuich
son fals ues mi li plus leial.

Ben sai la nuoich qan mi despuoill.
el lieich qieu non dormirai re. lo dor-
mir pert car eu lom tuoill. per uos
do(m)pna don mi soue. Q(ue) lai on hom
a son tesor. Uol hom ades tener son
cor. Sieu no uos uei dompna don
plus mi cal. negus uezers lo mieu
penssier noual.

Qan mi membra cu(m) amar suoill. la
falsa de mala merce. Sapchatz qatal
ira mo cuoill. p(er) pauc uius de ioi
nom recre. do(m)pna p(er) cui chant em de-
mor. p(er) la bocam feretz al cor. dun dolz
baisar defin amor coral. Qem torn
en ioi em get dira mortal.

Tals ni a que ant mais dorguoill.
Qan grans iois ni grans bens lor
ue. Mas eu sui de meillor escuoill.
e plus francs qan dieus mi fai be.

cora qieu fos damor al or. er sui uen-
gutz del or al cor. Merce dompna non
ai par ni egal. res nom sofraing sol
que dieus uos mi sal.

Dompna si nous uezon mei huoill.
ben sapchatz q(ue) mos cors uos ue. e nous
doillatz plus qieu mi duoill. Qieu sai
com uos deistreing p(er) me. Mas sil gels
uos bat defor. Gardatz qel no uos batal
cor. Sius fai enoi euos lui atretal. e ia
ab uos mon gazaing ben p(er) mal.

Mon beluezer gart dieus dira e de mal.
Sieu sui de loing edepres atretal.