[c. 161vC]
 |
Ci comencent les chancons colin muset. S ire cuens ie ai uiele. de uant uos en u(ost)re ostel. sine maues riens done. ne mes |
[c. 161vD]
 |
gaiges aquites. cest uilainie. foi que doi sainte marie. ensi ne uos sieurai ie mie. mau moniere est mal garnie. et ma borse mal farsie. S ire cuens car comandez de moi u(ost)re uolente. sire sil uos uient agre. un biau don car me dones. par cortoisie. car talent ai nen doutes mie. de raler ama miesnie. quant. ie iuois borse desgarnie. ma feme ne me rit mie. A inz me dit sire engele. enq(ue)l terre auez este. qui nauez rie(n)s conqueste aual la uile. uez con u(ost)re male plie. ele est b(ie)n deuant farsie. honi soit quia en uie. destre en u(ost)re conpaig- nie. |
[c. 162rA]
 |
Q uant ie uieng amon ostel. (et) ma feme aregarde. derier moi le sac emfle. (et) ie qui sui bien pare. de robe grise. sachi es quele a tost ius mise. la quenoille sanz faintise. ele me rit par franchise. ses deus bras au col me plie. M afeme ua destrousser ma male sanz demorer. mon gar con ua abuurer. mon cheual (et)conraer. ma pucele ua tuer. .ij. chapons por deporter. ala ianse aillie. ma fille ma porte un pigne. ensamain par cor toisie. lors sui demon ostel si- re. am(u)lt grant ioie sanz ire. plus nus ne porroit dire. |