I.
Qui no sap esser chantaire
Blaire
De qant aug lo ver sonar
Clar
E [qe] son per tot mesclat
Prat
[E·l] rozal del mati s’espan
Lan
Sobre l’erba josta·l sauza.
II.
Non auz semblan ni vejaire
[Faire]
Q’eu l’am, ni l’aus desamar,
[Ar]
Q’en amor son drut mirat
Asatz
E·il fals amador [ab] engan
Van,
Cui amor engann’ e bauza.
III.
Non es reis ni emperaire
Gaire
Qe l’ [auze·]l mantel drechar
Var
Ni far q’agues acatat
Grat.
Ric me fai la noig en somnian,
Tan
M’es vis qe mos bratz l’enclauza.
IV.
Lai n’irai el sieu repaire,
Laire,
Em peril com de passar
Mar;
E si de mi no·il pren pitat,
Bat
Fer freg: las! tan la vau pregan,
Qan
Ja ren de leis [no] me·n jauza.
V.
Si no·m vol amar m’amia,
Dia,
Pos eu l’am, s’il m’amara
Ja,
Q’eu sui al seu comandamen:
Gen
Li serai si·m vol retener,
Ver
Li dirai, q’autresi menta.