| peiroll. | Peiroll | ||
| DEl seu tort farai es menda. Lei quim fez partir desse. Can querai talen que illi ren da. Sill plaz mas canchos eme. Ses respeit de\a/ltra merce. Sol sofra quenlei men tenda. E quel bel neien ma tenda.
|
Del seu tort farai esmenda, | 1 | 1 |
| lei qui·m fez partir de·sse, | 1 | 2 | |
| c'anquer ai talen que·ill i renda, | 1 | 3 | |
| si·ll plaz, mas canchos e me, | 1 | 4 | |
| ses respeit d'altra merce; | 1 | 5 | |
| sol sofra qu'en lei m'entenda | 1 | 6 | |
| e que·l bel neien m'atenda. | 1 | 7 | |
| G Es per negun mal quim prenda. Delei amar n om recre. Ainz sofrirai cum que men cenda. La penel dan qui men ue. Bem de gra far qual que be. Mas nos taing que lan re prenda. Sitot se(s) uer quill mespen da. |
Ges per negun mal qui·m prenda | 2 | 1 |
| de lei amar no·m recre, | 2 | 2 | |
| ainz sofrirai, cum que m'encenda, | 2 | 3 | |
| la pen' e·l dan qui m'en ve: | 2 | 4 | |
| be·m degra far qualque be, | 2 | 5 | |
| mas no·s taing que la·n reprenda | 2 | 6 | |
| sitot s'es ver qu'ill m'espenda. | 2 | 7 | |
| MOult em conssir noit edia. [M]as nomen sai conseillar. E pero sia uenia. Gran talen hai cun baisar. Li poges tolrro en blar. Esella sen irassia. Volon ters loli ren dria.
|
Moult em conssir noit e dia | 3 | 1 |
| mas no m'en sai conseillar; | 3 | 2 | |
| e pero si avenia, | 3 | 3 | |
| gran talen hai c'un baisar | 3 | 4 | |
| li poges tolrr' o enblar, | 3 | 5 | |
| e s'ella s'en irassia | 3 | 6 | |
| volonters lo li rendria. | 3 | 7 | |
| EV saibe. queu no poiria. De midonz lo cor ostar. Per ira n iper feunia ni per altra dom na amar. Per cho men lairai estar. Maisi cum liplaira sia. Queu la marai tota uia.
|
Eu sai be qu'eu no poiria | 4 | 1 |
| de midonz lo cor ostar | 4 | 2 | |
| per ira ni per feunia | 4 | 3 | |
| ni per altra domna amar, | 4 | 4 | |
| per cho m'en lairai estar, | 4 | 5 | |
| m'aisi cum li plaira sia, | 4 | 6 | |
| qu'eu l'amarai tota via. | 4 | 7 | |
| ENon es nuillz hom cui tegna Tan apoderat amors. Queia noill plaz quem souegna. De ls placers ni del socors. Caui a trobat aillors. Ainz uol qu e chai me destreigna. Per tal quim nom uol nim degna.
|
E non es nuillz hom cui tegna | 5 | 1 |
| tan apoderat Amors, | 5 | 2 | |
| que ia no·ill plaz que·m sovegna | 5 | 3 | |
| dels placers ni del socors | 5 | 4 | |
| c'avia trobat aillors, | 5 | 5 | |
| ainz vol que chai me destreigna | 5 | 6 | |
| per tal qui·m no·m vol ni·m degna. | 5 | 7 | |
| H A bona domna en cui regna. Senz ebeltaz e ualors. Sofrirez caissim de streigna. Lo disirers elamors. Si uals dels plazers me nors. Me faiz tan que iois meuei gna. Eca uos no des couei gna. |
Ha! Bona domna en cui regna | 6 | 1 |
| senz e beltaz e valors, | 6 | 2 | |
| sofrirez c'aissi·m destreigna | 6 | 3 | |
| lo disirers e l'amors? | 6 | 4 | |
| Sivals dels plazers menors | 6 | 5 | |
| me faiz tan que iois me veigna | 6 | 6 | |
| e c'a vos no descoveigna. | 6 | 7 |