 |
Bernartz de uentadorn. COnort era sai eube. Que ies de mi non pensatz. Puois salutz ni amistatz. Ni messagiers nomen ue. Trop cug quieu fag lonc aten. Et es ben semblanz oi mai. Quieu casso cautre pren. Puois nomen uen auentura. Belz conortz qan mi souen. Con fui ien per uos honratz. Ar conosc que moblidatz p(er) un pauc no(n) muor de se. Queu mezeis uau en queren. Quim mis defoudat emplai. E car midonz me mespren. De la mia for- faitura. Eu len colpi de tal re. Don eu degra auer gratz. Mas fe quieu dei lal uernatz. Tot o- fis per bona fe. Esieu enamar mespren. Tort na qui colpa mi fai. Que qui en am- |
 |
or quier sen. Sel non a sen ni mesura. Per ma colpa mes deue. Que ia non sia priuatz. Quen uers lei no(n) sui tornatz. Per foudat que men rete. Tan nai estat lo(n)ga- men. Que de uergoingna quieu nai. No(n) aus auer ardimen. Qi(m) torn si no ma segura. Qui ben remira eue. Oillz egolla front efatz. Quen leis es fina beutatz. Mais nimenz no ni coue. Cors lonc dreg ecouinen. Ient afli- bat cuendegai. Om nol pot lauzar tan ien. Com lo sap formar natura. Tant er ien seruit per me. Sos durs cors felz et iraz. Tro sia touz adousaz. Ab belz diz et ab merce. Quieu ai ben trobat li ien. Qe gota daiga qan chai. Fer enun loc tan so uen. Tro caua la pera dura. Canzoneta era ten uai. Afranca na couine(n). Cui pretz enanz emeillura. Edigatz li qui ben uai. Car demen[1] conort aten çoi egran bonauentura. [1] Un segno sopra demen viene ripreso sul margine destro del foglio con la scritta Mon Conort.
|