 |
Bernartz de Ventedorn. COnort era sai eu be. Que ies de mi no(n) pens- atz. Puois salutz ni amistatz. Ni messagi- ers no men ue. Trop cug q(ue)u fag lonc aten. Et es ben semblanz oi mai. Queu casso cau- tre pren. Pois nomen uen auentura. Belz conortz quan mi souen. Con fui ien p(er) uos honratz. Ar conosc que moblidatz p(er) un pauc no(n) muor de se. Queu mezeis uau en queren. Quim mis de foudat em plai. Ecar mi donz me mespren. De la mia forfaitura. Eu len colpi de tal re. Don eu degra auer gr- atz. Mas fe q(ue)u dei laluernatz. Tot fis p(er) bona fe. Esieu en amar mespren. Tort na qui col- pa mi fai. Que qui enamor quier sen. Sel no(n) asen ni mesura. Per ma colpa mes deue. Que ia no(n) sia priu- atz. Queu uers lei no(n) sui tornatz. P(er) fouda- tz que me(n) rete. Tan nai estat longame(n). Qe de u(er)goigna q(ue)u nai. No(n) aus auer ardimen. Quim torn si no masegura. Qui ben remira eue. Oillz egolla front efatz. Quen leis es fina beutatz. Mais ni menz no ni coue. Cors lonc dreg ecouinen. Ient af- libat cuendegai. Om nol pot lauzar tan ge(n). Com lo sap formar natura. Tant er gen seruit p(er) me. Sos durs cors fe- lz et iratz. Tro sia totz adousatz. Ab belz diz et ab merce. Q(ue)u ai ben trobat li ien. Que gota daiga quan chai. Ferm enu(n) loc tan so uen. Tro caua la pera dura. Canzoneta era ten uai. Afranca na co(n)uin- en. Cui pretz enanz emeillura. Edigatz li qui ben uai. Car de men conort aten ioi egran bonauentura. |