C: Bern, Stadtbibliothek ms 384
sec. XIII ex.; f.103v - 104r
 |
|
*pentagramma vuoto Iai nuls hons pris ne dirait sa raizon adroitement sensi com dolan * non, maix per confort puet il faire chanson - moult ai damis maix poure * sont li don - honte en auront se por ma reanson - seux ces .ij. iuers pris.
|
 |
|
Se seuient bien mi home et mi baron - inglois normant poiteuin et gascon - ke ie nauoie si poure compaignon - ke ie laissaise por auoir en prixon - ie nel di pais por nulle retraisson - maix emcor seux ie pris - OR sai ie bien de uoir certai(n)nement, ke mors ne pris nait amin ne parent, q(a)nt on me lait por or ne por airgent - m(ou)lt mest de moy maix plux mest de ma gent capres ma mort auront reproche grant - se longuement seux pris - Nest pais meruelle se iai lou cuer dolent - q(a)nt mes sires tient materre entorment, sor li menbroit de nostre sairement - ke nos feimes anduj co(m)munement - bien sai deuoir ke seans longuement - ne seroie pais pris - Se seuient bien angeuin et torain - cil baiche leir ki or sont riche et sain - kencombreis seux loing deans en autrui mains - forment mamoient maix or ne mai(n)me grain, de belles anmes sont ores ueut li plain, por tant ke ie seux pris - Mes compaignons cui iamoie et cui iain - cealz de caheu et ceaulz de percheraim - me di chanson kil ne sont pais certain - nonkes uers eaus no le cuer fauls ne uain - sil me gueroient il font m(ou)lt ke vilain - por tant ke ie seux pris - Contesse suer vostre pris souerain - uos sault et gairt cil acui ie me clain et per cui ie seux pris - ie ne dipais de celi de chairtain - la meire loweis. |