|
Bernartz deuentedorn |
|
| Ailas tant cuiaua saber. Damor eqant petit ensai. Car ieu damar nom puosc tener. Cellui don ia pro non aurai. tolt ma mon cor etolt ma se. Emi meteus etot lomon. Eqan sim tolc nom laiset re. Mas desirier ecor uolon. |
|
|
Delas dompnas mi desesper. Ja mais en lor nom fiarai. Caissi cum las suorl captener. Enaissi las descaptenrai. Pois cuna pro nomen te. Uas lieis q(u)e destrui em cofon. Totas las dopti elas mescre. Car bensai catretals si son. |
|
|
Amors es p(er)duda p(er) uer. Et ieu nono saubi anc mai. Que cil que plus en de- gra auer. Non a ies et on la qerrai. Ai cum mal sembla qui la ue. Caz aq(u)est caitiu desiron. Q(ue) ia ses lieis non aura be. Laisse morir q(ue) noil aon. |
|
|
Puois abmidonz nom pot ualer. Dieus ni merces nil dreitz qieu ai. Ni alieis nouen aplazer. Quil mam ia mais no lo dirai. E sim part delieis em recre. Mort ma e p(er) mort li respon. Euau men sella nom rete. Caitius en issill nosai on. |
|
|
Anc non agui demi poder. Ni non fui mieus delor ensai. Qem laisset demos huoills uezer. En un miraill q(ue) mout mii plai. Miraills pois me miriei en te. Mant mort li sospir deprion. Caissim p(er) diei cum perdet se. Lo bels narcisus en la fon. |
|
|
Daisso fai ben femna parer. Ma do(m)pna p(er) qieu lo retrai. Car non uol so q(ue) deu uoler. Eso com li deueda fai. Cazutz sui emala merce. Et ai ben faich col fols elpon. Enon sai p(er)que mes deue. Mas car poiei trop contra amon. |
|
|
Tristan non auetz ies de me. Q(ue) uau men marritz nosai on. De chantar mi lais em recre. E de ioi e damor mescon. |