| I | |
| Bernat de ue(n) E manht genh se tedorn. uolves uira. mos tala(n)s e ue e uay. lai on mos uolers saten. lo cors no(n) pauza ni fina. sim te cueinte guaj. fina mor ab cuj mapay. no saj cum me contenha. |
Bernat de ventedorn E manht genh se volv e·s vira mos talans e ve e vai lai on mos volers s'aten lo cors no·n pauza ni fina. si·m te cueint'e guaj fin'amor ab cuj m'apay no saj cum me contenha |
| II | |
| G es amors nos franh per ira. ni sespert per dig sauay. quant es de bon pretz ueray. Qui la te en dissiplina. re no sap ques faj. que no coue niseschai que nuls hom la destrenha. |
Ges amors no·s franh per ira ni sespert per dig savay es de bon pretz veray qui la te en dissiplina re no sap que·s fai que no cove ni s'eschai que nuls hom la destrenha |
| III | |
| I eu suj selh que re no tira. si tot madonam sostraj. ia de re no(m) clamaraj. quar es tan pureta(n) fina. que ia no creiraj. si de son tort li quier play. que merce no len reprenha. |
Ieu suj selh qu'e re no tira si tot ma dona·m sostraj Ja de re no˙m clamaraj quar es tan pur'e tan fina que ja no creiraj si de son tort li quier play que merce no l'en reprenha |
| IV | |
| P er mon grat ieu men iauzi ra. e pel bon talan q(ui)eu nay. mes uejaire que bem uay. gardatz sillam fos uezina. sieu nagra ren mai. ieu oc aissi mo auraj. saliey platz quem reteha. |
Per mon grat ieu m'en jauzira e pel bon talan qui'eu n'ay me's vejaire que be˙m vay gardatz silla˙m fos vezina s'ieu n'agra ren mai ieu oc aissi m'o auraj s'a liey platz que·m reteha |
| V | |
| Messatger mot me tayna. quar tost non hiest lay. uiatz ue e ui atz uay.mas la chanso lensenha. |
Messatger mot me tayna quar tost non hiest lay viatz ve e viatz vay mas la chanso l'ensenha |