| I | |
| [.]En uuoill que sapcho li pluisor. Un uer set debo na color. Queu ai trah demo(n) obrador. Queu port daicel mester laflor. Ez es uertatz. Epos ne trai(r)el uers autor. Can er lassaz. |
[.]en vuoill que sapcho li pluisor un verset de bona color qu'eu ai trah de mon obrador qu'eu port d'aicel mester la flor ez es vertatz e pos ne traire·l vers autor can er lassaz. |
| II | |
| [.]U conosc ben sen efolor. Eco nosc ben sen efolor. Econosc ancta ehonor. Ez ai ardimen epaor. Esim partez un ioc da mor. Non sui tant fatz. Non sapcha prendre lo meillor. dentrel mal uatz. |
[.]u conosc ben sen e folor e conosc ben sen e folor e conosc ancta e honor ez ai ardimen e paor e si·m partez un ioc damor non sui tant fatz non sapcha prendre lo meillor d'entre·ls malvatz. |
| III | |
| [.]Uconosc celui que bemdi. E cel quem uolmal autresi. E conosc be celui quemri. Esill prosasauton demi. Conosc assaz. Cautresi deu uoler lor fi. Elor solatz. |
[.]u conosc celui que be·m di e cel que·m vol mal autresi e conosc be celui que·m ri e si·ll pro s'asauton de mi conosc assaz c'autresi deu voler lor fi e lor solatz. |
| IV | |
| [.]A ben aia cel quem nori. Qe tant bon mester mescari. Q(ue) anc anegun non failli. Queu sai iogar sobre coissi. Atotz to catz. Mais ensai de mil mon uezi. Quel quem uezaz. |
[.]a ben aia cel que·m nori qe tant bon mester mescari que anc a negun non failli qu'eu sai iogar sobre coissi a totz tocatz mais en sai de mil mon vezi quel que·m vezaz. |
| V | |
| [.]ieu enlau ezsaint iulia. Tant ai apres del ioc dolcha. Que sobre totz nai bona ma. Mas ia qui conseill me quera. Noil er uedatz. ni nuill demi non tornera. desconseillatz. |
[.]ieu en lau ez Saint Iulia tant ai apres del ioc dolcha que sobre totz n'ai bona ma mas ia qui conseill me quera no·il er vedatz ni nuill de mi non tornera desconseillatz. |
| VI | |
| [.]Ue uai momaistre certa. Ni ia una noit nomaura. Que nom uuoilla uer len dema. queu soi ben des mestier so bra. Tan enseinaz. Que ben sai gazaignar mon pa. Entotz mercatz |
[.] eu vai mo maistre certa no ia una noit no m'aura que no·m vuoill'aver l'endema qu'eu soi ben des mestier sobra tant enseinaz que ben sai gazaignar mon pa en totz mercatz. |
| VII | |
| [.]As nom auzez tant ufaner. Q(ue) u non fos reuzaz lautrier. Q(ue) u iogava aioc grosier. Quem fo trop bos al cap primer. Trop fo taulaz. Can me gar dei. Non ac mestier. Simfo camiatz. |
[.]as no·m auzez tant ufaner qu'eu non fos reuzaz l'autrier qu'eu iogava a ioc grosier que·m fo trop bos al cap primer trop fo taulaz can me gardei non ac mestier si·m fo camiatz. |
| VIII | |
| [.]As ellamdis unre proser. Don u(ot)re dat son meunder. Ez eu reuit uos adoblier. Fis meu quim daua mon pesler. Non er laissatz. Ele uei un pauc lotauler. Aba ins los bratz. |
[.]as ella·m dis un reproser: "Don, votre dat son meunder!" "Ez eu revit vos a doblier," fis meu. "Qui·m dava monpesler non er laissatz!" E levei un pauc lo tauler ab ains los bratz. |
| IX | |
| [.]Cant aic leuat lotauler. En peins los datz. Cil dui foron cairat ualer. Elters plombatz. |
[.] cant aic levat lo tauler en peins los datz: cil dui foron cairat valer e·l ters plombatz. |
| X | |
| [.]Feri ferm sus el tauler. Efon iogatz. |
[.] feri ferm sus el tauler e fon iogatz |