| I | |
| OR ueil chanteir (et) soulaicier. (et) faire ioie (et) renuoi xier. ke ne sai si loiaul mestier. por ceu ne le ueul ieu laissier. se ma- douce amie. cui ie ne hei mie. me ueult faire aie. bien peux esploitier. sa grant cortoisie maint randu la uie. maix gent plain denuie. men- font aloignier. ades se poenent dencuseir. ceuls ki bien ai(m)ment sens fauceir. se sen doient m(ou)lt bien garder. (et) lor compaignie eschueir. |
|
| II | |
| Ie ueul bien ma dame noncier. ke ie seux tous siens sens trichier. ne iai de li pertir ne quier. ades ueul estre enson dongier. trestoute ma uie. moi(n)rai bone uie. fine amor men prie. ke mi puet aidier.iene lairai mie. por la gent haie. lor grant uelonnie. ne prixe un denier. Ne ser uent fors ke de iangleir. ne nuls hons nes doit escouteir. iai por eaus ne lairai lameir. ne ma grant ioie ademeneir. |
|
| III | |
| ke est maluais bien est chaitis. il ualt aisseis muels mors ke uif proudons ne niert iai entre- pris. ades croist (et) hauce ces pris. prouesce est loee. maluesties balamee. gens desesperee. sont ades lou pis. ma dame honoree. ki a honor beiie. sa ioie est doublee. nes en paradix. Ki bien ueult asiecle dureir. si soit prous (et) saiche doneir. (et) loiaul- ment aint sens fauceir. ensi puet sa ioie fineir. |