| I | |
| O R ueul chanteir (et) soulaicier. (et) faire ioie (et) renuoi xier. ke ne sai si loiaul mestier. por ceu ne le ueul ieu laissier. se ma- douce amie. cui ie ne hei mie. me ueult faire aie. bien peux esploitier. sa grant cortoisie mait randu la uie. maix gent plain denuie. men- font aloignier. ades se poenent dencuseir. ceuls ki bien ai(m)ment sens fauceir. se sen doient m(ou)lt bien gardeir. (et) lor compaignie eschueir. |
Or veul chanteir et soulaicier et faire ioie et renvoixier, ke ne sai si loiaul mestier; por ceu ne le veul jeu laissier. Se ma douce amie cui je ne hei mie Me veult faire aie, bien peux esploitier: sa grant cortoisie m'ait randu la vie, maix gent plain d'envie m'en font aloignier. Ades se poenent d'encuseir ceuls ki bien aimment sens fauceir, se s'en doient moult bien gardeir et lor compagnie eschueir. |
| II | |
| I e ueul bien ma dame noncier. ke ie seux tous siens sens trichier. ne iai de li pertir ne quier. ades ueul estre enson dongier. trestoute ma uie. moi(n)rai bone uie. fine amor men prie. ke mi puet aidier. iene lairai mie. por la gent haie. lor grant uelonnie. ne prixe un denier. N e ser uent fors ke de iangleir. ne nuls hons nes doit escouteir. iai por eaus ne larai lameir. ne ma grant ioie ademeneir. |
Je veul bien ma dame noncier ke je seux tous siens sens trichier, ne jai de li pertir ne quier; ades veul estre en son dongier. Trestoute ma vie moinrai bone vie: fine amor me prie, ke mi puet aidier. Je ne lairai mie por la gent haie lor grant velonnie ne prixe un denier; Ne sevent fors ke de jangleir ne nuls hons nes doit escouteir; jai por eaus ne larai l'ameir ne ma grant joie a demeneir. |
| III | |
| ke est maluais bien est chaitis. il ualt aisseis muels mors ke uis. proudons ne niert iai entre- pris. ades croist (et) hauce ces pris. prouesce est loee. maluesties blamee. gens desesperee. font ades lou pis. ma dame honoree. ki a honor beiie. sa ioie est doublee. nes en paradix. Ki bien ueult asiecle dureir. si soit prous (et) saiche doneir. (et) loiaul- ment aint sens fauceir. ensi puet sa ioie fineir. |
Ke est malvais bien est chaitis; il valt aisseis muels mors ke vis. Proudons n'en iert entrepris: ades croist et hauce ces pris. Prouesce est loee, malvesties blamee, gens desesperee font ades lou pis ma dame honoree ki a honor beie sa joie est doublee nes en paradix. Ki bien veult a siecle dureir, si soit prous et saiche doneir et loiaulment aint sens fauceir: ensi puet sa joie fineir. |