|
Au comenchier de ma nouelle amor
ferai cancon kil men est pris/ talens
(et) proierai aceli qui iaor
puis ke del tot li sui obediens
por dieu/ li proi ne mi soit desdaignans.
ains dainst valoir ke par moi soit seruie
si en serai plus lies tote ma vie.
Ie ne me doit nus tenir a folour.
se ie de/sir estre ses biens voillans.
puis ke beauties/ fait deli mireor
(et) ens tos biens est chis ente/(n)demens.
diex comserai en voisies et ioiens.
se ia nulior vers moi tant sume/lie.
ke par son gre lose apeller amie.
Ie me delit ens lespour ke ien ai
si / dochement kil mest souent auis.
kele me doinst samor de cuer verai.
mais/ tost men est chis dols espoirs faillis.
ke de pauor sui mal (et) esbahis.
tant doc/ raison se ete imet sentente.
sans estre ames criem morir en atente.
Et/ non por quant ades la seruirai.
sans estre ames come loiaus amis.
ke nus fins/ cuers ne doit estre en esmai.
puis ke il est en haute amor assis.
aius doit penser/ coment soit deseruis.
li tres grans biens ou il amis sentente.
ne ia nul iour/ por mal ne sen repente.
Il mest auis ki adroit velt iugier
ke nus amans/ ne doit damors partir.
ken poi deure rent ele tel loier
ke nus naroit pooir/ de deseruir
por cou la voil boinement obeir
(et) voil proier a madame honoree/
ka voc beaute soit pities assamblee.
Quens de guelle riens ne puet/ auanchier.
tant com amors celui ki ali bee. entendes
siert vostre honors doblee./ |
Au comenchier de ma novelle amor, ferai cançon k’il m’en est pris talens et proierai a celi qui j’aor, puis ke del tot li sui obediens; por Dieu li proi ne mi soit desdaignans, ains dainst valoir ke par moi soit servie, si en serai plus lies tote ma vie. ABABBCC -or -ens -ie 10 10 10 10 10 10' 10' Je ne me doit nus tenir a folour, se je desir estre ses biens voillans, puis ke beautes fait de li mireor et ens tos biens est chis entendemens; Diex! Com serai envoisies et joiens, Se ja nul jor vers moi tant s'umelie, ke par son gre l'ose apeller amie. ABABBCC -or -ens -ie 10 10 10 10 10' 10' Je me delit ens l’espoir ke j'en ai, si dochement, k’il m'est sovent avis kele me doinst s'amor de cuer verai, mais tost men est chis dois espoirs failis; ke de pavor sui mal et esbahis, tant doc raison se ele i met s’entente, sans estre ames criem morir en atente. DEDEEFF -ai -is -ente 10 10 10 10 10' 10' |
