| Bernartz deluentadorn | Bernartz del Ventadorn |
| I | I |
| (a) Tantas bonas chansos. Etanz bon mot aurei fag. Don ia nomera em plag. Domna sieu saubes deuos. Qui fossetz uas mi tan dura. Era sai quieus ai perduda. Mas si uals nomes tolguda. En lamia forfaitura. |
|
| II | II |
| (u) ers es que mantas sasos. Mera ben dig eretrag. Que mestera mal elag. Ca mes et amatz non fos. Mas lai on a mors satura. Er greu sobra deuencu da. Si son corage no muda. Oaillors no met sacura. |
Vers es que mantas sasos m'era ben dig e retrag que m'estera mal e lag c'ames et amatz non fos. Mas lai on Amors s'atura, er greu sobrad'e vencuda si son corage no muda o aillors no met sa cura. |
| III | III |
| (m) asara soi tan ioios. Que nom souen de mal trag. Gitat ma dire desmag. Ab sos belz oilz amoros. De quem peizonen faitura. S il que ma ioia renduda. Qanc puois quieu lagui uezuda. Non agui sen ni mesura. |
Mas ara sui tan ioios que no·m soven de maltrag. Gitat m'a d'ir'e d'esmag ab sos belz oilz amoros, de que·m peizon'e·m faitura, sil que m'a ioia renduda, q'anc puois qu'ieu l'agui vezuda, non agui sen ni mesura. |
| IV | IV |
| (m) out ifes amors que pros. Car tan ric ioi ma atrag. Tot qan mauia forfag. Val ben aquest guizardos. Ai sil fenis ma rancura. Que sa ualors esauida. Mes atal cocha uenguda. Toz sos torz |
Mout i fes Amors que pros, car tan ric ioi m'a atrag, tot qan m'avia forfag, val ben aquest guizardos. Aisi·l fenis ma rancura, que sa valors e sa vida m'es a tal cocha venguda: toz sos torz [...] |
| V | V |
| si atrag. pot ben saber atrazag. Que sos cors es belz ebos. Eblancs sotz la uesti tura. Eu nono dic mas percuda. Que la neuf qant il es nuda. Par uas lei bru ne escura. |
[...] si atrag, pot ben saber atrazag que sos cors es belz e bos e blancs sotz la vestidura (eu non o dic mas per cuda), que la neuf qant il es nuda par vas lei brun'e escura. |
| VI | VI |
| (d) omna sil fals enuios. Que maint ioi entier an frag. Se metion en agag. per saber con es de nos. Per dig daol ien tafura. Non estes ia esperduda. Que ia per mi ner saubuda. lamors ben siaz segura. |
Domna, si·l fals enuios, que maint ioi entier an frag, se metion en agag per saber con es de nos, per dig d'aol ien tafura non estes ia esperduda: que ia per mi n'er saubuda l'amors; be·n siaz segura! |