| bernard dauetadorn. | Bernard da Vetadorn. |
| I | I |
| QAn li dousaura uenta. de ues nostre pais. ue - iaire mes qieu senta. un ram de paradis. per amor de la genta. a cui ieu sui aclis. on meza ai mententa. e mo(n) coragassis. de totautram par- tis. per leis q(ue) matalenta. |
Qan li dous’aura venta deves nostre pais, veiaire m’es q’ieu senta un ram de paradis per amor de la genta a cui ieu sui aclis, on meza ai m’ententa e mon corag’assis, de tot’autra·m partis per leis, que m’atalenta! |
| II | II |
| PEl ioi qe ma presenta. sos bels hueilhs el clars uis. qe ia plus nom consenta. mi degrauer conqis. non sai per qe me(n)me(n)ta. qe de re no(n) sui fis. mas grieu er qem repenta. per una ues qem dis. qe pros homs sa for- tis. e maluatz sespauenta. |
Pel ioi qe m’apresenta sos bels hueilhs e·l clars vis, qe ia plus no·m consenta, mi degr’aver conqis. Non sai per qe m’en menta, qe de re no·n sui fis; mas grieu er qe·m repenta, per una ves qe·m dis qe pros homs s’afortis e malvatz s’espaventa. |
| III | III |
| DE domnas mes ueiaire. qe gran failhimen fan. per so qar non son gaire. amat li fin aman. mas ieu no(n) aus retraire. mas so qellas uol ran. qieu sai ben quns chan taire. a damor ab enian. o plus o atretan. co(n) sera fins amaire. |
De domnas m’es veiaire qe gran failhimen fan per so qar non son gaire amat li fin aman. Mas ieu no·n aus retraire mas so q’ellas volran, q’ieu sai ben q’uns chantaire a d’amor ab enian o plus o atretan con sera fins amaire. |
| IV | IV |
| DOmnas qe cuiatz faire. de mi qe uos am tan. per qem fatz tan mal traire. ni morir de talan. ai francha de bon aire. façetz mun bell se(m)blan. tal qe mos cors sesclaire. qe penae mal trac gran. e noi dei auer dan. qieu no(n) men puesc estraire. |
Domnas, qe cuiatz faire de mi qe vos am tan, per qe·m fatz tan mal traire ni morir de talan? Ai! Francha de bon aire, façetz m’un bell semblan, tal qe mos cors s’esclaire! Qe pena e mal trac gran e no·i dei aver dan, q’ieu non m’en puesc estraire. |