| I | |
| S(ir)·miraual. DVn siruentes non uueilh far loinhor granda. qen tale(n)t ai qel diga (e) qel espanda·qar ai raço tannouella (e) tan granda. del iouen rei qa fenit sa dema(n)- da. fraire richart qe sos pairs lol comanda. tant esforssartz. pueis nainrics terra no ten ni manda·sia reis dels maluatz |
Sir Miraval D'un sirventes non vueilh far loinhor granda q'en talent ai qe·l diga e qe·l espanda qar ai raço tan novella e tan granda del ioven rei q'a fenit sa demanda fraire Richart qe sos pairs lo·l comanda tant es forssartz pueis N'Ainrics terra no ten ni manda sia reis dels malvatz. |
| II | |
| QE maluaz fai qar aissi uiu a randa. aliurason a comte a ga- randa. reis coronatz qi dautre pren uianda. mal semblarn - aut lo seinhor de beulanda. nil pro<u>s gill(er)m qe conqes tor miranda. tan fo duptatz. mas en peitieu lur me(n)t els en truan- da. non er mais tan amatz. |
Qe malvatz fai qar aissi viu a randa a liurason a comt'e a garanda reis coronatz qi d'autre pren vianda mal sembl'Arnaut lo seinhor de Beulanda ni·l prous Gillerm qe conqes Tor Miranda tan fo duptatz mas en Peitieu lur ment e·ls en truanda non er mais tan amatz. |
| III | |
| COnseilh darai el son de nala - manda. sai anrichart sel tot nol mi demanda. ia per son frair mais sos homes nobla(n)da. no(n) qas faell anz assaguera (e) bla(n)- da. sai los castells els deroc els demanda. da ues totz laz. el reis tornei ab aqells de garllanda. e lautre sos coinhatz. . |
Conseilh darai el son de N'Alamanda sai a·N Richart s'el tot no·l mi demanda ia per son frair mais sos homes no blanda nonqas fa ell anz a ssa guera e blanda sai los castells e·ls deroc e·ls demanda daves totz laz e·l reis tornei ab aqells de Garllanda e l'autre sos coinhatz. |
| IV | |
| Ia per dormir [de] no sera de no blanda. rei dels emgleis ni co(n) qerra yrllanda. ni ducs clamaz de la terra normanda. ni te(n)cran gieus ni monssaurell ni canda. ni de peitieus no tenra la mira(n) da. ni coms palatz. sai de bordell ni dels gascons part landa. se inher ni debazatz. |
Ia per dormir no sera de Noblanda rei dels emgleis ni conquerra Yrllanda ni ducs clamaz de la terra Normanda ni tencr'Angieus ni Monssaurell ni Canda ni de Peitieus no tenra la miranda ni coms palatz sai de Bordell ni de·ls gascons part Landa seinher ni de Bazatz. |
| V | |
| LE coms iaufres cui es breceli anda. uolgra primier fos natz. |
Le coms Jaufres cui es Brecelianda volgra primier fos natz. |
| VI | |
| QAr ell es francs e fora (e)n sa coma(n)- da. reges mes e dugatz. |
Qar ell es francs e fora en sa comanda regesmes e dugatz |
| VII | |
| SEinhen iaufre montainhas nos desmanda. sades no gerreiatz. |
Seinh'En Jaufre montainhas nos desmanda s'ades no gerreiatz |