| I | |
| au douz non. | au douz non. |
| II | |
|
De ceste amour qui tant me fet pener.ˇ ne uoi ie pas com ie puísse partír. car ie ni uoi reson de leschiuer.ˇ ne nest pas droiz que gen doie ioir. mes fol desir fet souuent cuer penser. en si haut lieu qil ní puet auenir. et fíne amour si ne doit pas greuer.ˇ ceus qui paínent touz iorz de li seruir. |
De ceste amour qui tant me fet pener, ne voi je pas com je puisse partir car je ni voi reson de l'eschiver, ne n'est pas droiz que g'en doie jöir; mes fol desir fet souvent cuer penser en si haut lieu q'il n'i puet avenir et fine amour si ne doit pas grever ceus qui painent touz jorz de li servir. |
| III | |
| Sonques amis ot ioie pour amer.ˇ ie sai de uoir que ni doi pas faillír. car riens fors moi ne porroit endurer.ˇ les granz trauaus que iai pour li seruir. a son plesir me fet plaindre et plorer. et souspirer et ueillier sanz dormir. mes itant fu a moi reconforter.ˇ que nuit et iour enplorant la remir. |
S'onques amis ot joïe pour amer, je sai de voir que n'i doi pas faillir car riens fors moi ne porroit endurer les granz travaus que j'ai pour li servir, a son plesir me fet plaindre et plorer et souspirer et veillier sanz dormir, més itant fu a moi reconforter que nuit et jour en plorant la remir. |
| IV | |
| Ie ne me sai tenir ne confor - ter.ˇ de uous biax cuers seruir entierement. et quant ie plus uous doi merci crier.ˇ lors uos truis ie cruels si durement q(ue) ia a moi ne ferez biau senblant. ainz les fetes autrui por moi greuer. mes quant uostre oeil me uuelent regarder. et ie re mir le uostre biau cors gent. tant sui ie hors de paine et de torment. |
Je ne me sai tenir ne conforter de vous, biax cuers, servir entierement, et quant je plus vous doi merci crïer lors vos truis je crüels si durement que ja a moi ne ferez biau senblant, ainz les fetes autrui por moi grever, més quant vostre oeil me vuelent regarder et je remir le vostre biau cors gent, tant sui je hors de paine et de torment. |