I | |
U oulez oir lamuse muset enmai fu fete un. matinet en un uergier flo ri uerdet. aupoint duior ou chantent cil oiselet. par grant baudor. (et)ialai fere un chapelet en la uerdor iele fis bel (et) cointe (et) net. (et) plain de flor. une dancele auenant (et) m(u)lt bele gente pucele bouchete riant. qui me rapele. uienca sime uiele tamuse en chantant ta(n)t migno tem(en)t. |
Volez oïr la muse Muset? en mai fu fete, un matinet, en un vergier flori, verdet, au point du jor ou chantent cil oiselet par grant baudor, et j'alai fere un chapelet en la verdor. Je le fis bel et cointe et net et plain de flor. Une dancele avenant et mult bele, gente pucele, bouchete riant, qui me rapele: «Vien ça, si me viele [...] ta muse en chantant tant mignotement!» |
II | |
I alai ali el praelet. otout lauiele (et) larchet. si li ai chante lemuset. par grant amor. iai mis mon cuer en si bon cors es pris damor. (et) q(ua)nt ieui son chi ef blondet. (et) sacolor (et) songe(n)t cors amoreuset (et) si dator. mo(n) cuer sautele por ladamosele. m(u)lt me renouuele maioie souuent. ele ot gonnele de drap de chastele. qui resten cele douz dex ielaim tant du cuer loiaument. |
J'alai a li el praelet o tout la viele et l'archet, si li ai chanté le muset par grant amor: «J'ai mis mon cuer en si bon cors espris d'amors», et quant je vi son chief blondet et sa color et son gent cors amoreuset et si d'ator, mon cuer sautele por la damosele; mult me renouvele ma joie souvent. Ele ot gonnele de drap de Chastele, qui restencele. Douz Dex, je l'aim tant du cuer loiaument! |
III | |
Q ua(n)t ioi deuant li uiele. por auoir samors (et) songre. ele ma b(ie)n g(er) redone soe merci. dun besier amaulente. dex que iaim si (et) autre chose ma done conson ami. que iauoie tant desirre ormest meri. plus sui enioie que ie ne soloie. quant cele est moie. que ie tant desir. ienenprendroie auoir ne monoie. por riens que uoie. ne men quier par ancois uueil morir. |
Quant j'oi devant li vielé por avoir s'amors et son gré, ele m'a bien gerredoné, soe merci, d'un besier a ma volenté, Dex! que j'aim si! Et autre chose m'a doné, con son ami, que j'avoie tant desirré: or m'est meri! Plus sui en joie que je ne soloie, quant cele est moie que je tant desir; je n'en prendroie avoir ne mounoie; por riens que voie ne m'en quier par[...]: ançois vueil morir! |
IV | |
O r a co lin muset muse. (et) sa a deuise chante. por la bele auuis co lore de cuer iolif maint bon morsel liaidone. (et) departi (et) debon uin fort ason gre. gel uos affi. ensi a son siecle mene iusquesici. oncor do noie en chantant maine ioie. m(u)lt se cointoie. quam(or)s ueut seruir si agrant ioie el uergier ou donoie. b(ie)n se conroie bun uin fet uenir trestout aloisir |
Or a Colin Muset musé et s'a a devise chanté por la bele au vis coloré, de cuer jolif. Maint bon morsel li ai doné et departi et de bon vin fort, a son gré, gel vous affi. Ensi a son siecle mené jusques ici: oncor donoie, en chantant maine joie, mult se cointoie, qu'Amors veut servir, si a grant joie el vergier ou dognoie, bien se conroie, bun vin fet venir trestout a loisir. |