| I | |
| Lan. que rose ne fueille ne flor ne voi paroir. que noi chanter par brueille oisiaus nemain ne soir. a dont florit mon cuer et mon voloir. en bonne amour. qui ma. en son pooir. dont ia ne quier issir et sil est mes. qui men voeille partir. nel quit ie ia sauoir. ne diex nel voeille. |
L'an que rose ne fueille ne flor ne voi paroir, que n'oi chanter par brueille oisiaus, ne main ne soir, adont florit mon cuer et mon voloir en bonne amour qui m'a en son pooir, dont ja ne quier issir, et s'il est més qui m'en voeille partir nel quit je ja savoir, ne Diex nel voeille! |
| II | |
|
Bien est droiz
que ie me dueil le. q(ua)nt ie ma do lour desir. que iaing plus q(ue) ie ne sueil. ce dont ie ne puis ioir. (et) b(ie)n (con) nois que ni doi obeir. samors. ne vai(n)t reson gi doi faillir. ce sai ie tout de uoir. pour dieu amors fetes. e(n) no(n) chaloir. metre reson. tant quele me recueille. |
Bien est droiz que je me dueille quant je ma dolour desir, que j'aing plus que ie ne sueil ce dont ie ne puis joir, et bien connois que n'i doi obeir, s'Amors ne vaint Reson g'i doi faillir, ce sai je tout de voir. Pour Dieu, Amors, fetes en nonchaloir metre Reson tant qu'ele me recueille! |
| III | |
|
Dame nus maus q(ue) iaie ne crie(n)g
fors lalegier. sanz vous ne me por roie viure. ne ie ne quier. sanz v(ous) a mer. na ma vie mestier. se ie ne voeil tout le mont anuier. (et)aler mort viuant. jadame diex ne mi let viure tant. quau siecle anuie. (et) lesse amour veraie. |
Dame, nus maus que j'aie ne crieng, fors l'alegier, sanz vous ne me porroie vivre, ne je ne quier, sanz vous amer n'a ma vie mestier se je ne voeil tout le mont anuier et aler mort vivant, ja Damediex ne mi let vivre tant qu'au siecle anuie et lesse amour veraie! |