[c. 108 v.]
 |
La douche uois del rosignuel sauua - ge coi nuit (et) ior cointoier (et) tentir ma douchist tot le cors (et) rasouage. lors ai |
[c. 109 r.]
 |
talant q(ue) chant por rebaudir. si chanterai puis q(ue) uient aplaisir celi cui iai del cuer fait lige homage. sen doi auoir g(ra)nt ioie en mon corage sele me degne a son vues retenir. Onques uers li neuch faus cuer ne uolage si men deust p(or) chou miols auenir. ains laim (et) serch (et) aour par usage mais mon pen - ser ne li os descourír. car sa biautes me fait si esbahír. q(ue) ie ne sai deuant li nul |
[c. 109 v.]
 |
langage. ne regarder nose son douch ui - sage. tant enredouch mes iols au depar - tir. Tant ai uers li ferm asis mon corage. callors ne pens (et) dieus men doinst ioir vnq(ue)s tristrans cil ki but de beurage. si loialment nama sans repentir. m(ou)lt aim mes iols ki mi firent choisir. lors q(ue) la ui li lassai en ostages mon cuer ki puis ia fait lonc estage ne ia nul ior ne len quer departir. Ie ne di pas q(ue) ie face fola - ge. ne se p(or) li men couenoit morir q(ue)l monde na tant biele ne si sage. ne nule rien tant soit amon plai - sir. car gimet tot cors (et) quer (et) desir. sens (et) pooir ne sai se fach folage (et) si nequit quen trestot mon eage puisse asses li ne amor seruir. Can - chons uatent p(or) faire mon message la v ie nos ne aler ne uenir. car tant |
[c. 110 r.]
 |
redout la pute gent sauuage ke deuient ains quil puist auenir. les biens da - mors diex les puist maleir atant amant on fait ire (et) damage. mais dechaige tos iors mal auantage q(ue) sor mo(n) ceur les mestuet obeir. |