| K. (160v-161r) | |
| I | |
| Bertrams de born. Casutz sui de mal en pena. Quar uai lai ol cors mi mena. Eia mais no(n) descargar- el del fais. Car mes ma ental <enta> cade- na. On mailla nos descadena. Car ma trais. Ab un esgart de biais. Duna gaia lisalena. Fait ai longua quarantena. Mais hui mais. Sui al di ious de la sena. |
Bertrams de born Casutz sui de mal en pena quar vai lai o·l cors mi mena e ia mais non descargarel del fais car mes m'a en tal cadena on mailla no·s descadena car m'atrais ab un esgart de biais d’una gaia lisa Lena fait ai longua quarantena mais hui mais sui al dijous de la sena |
| II | |
| Tant sui damorosa mena. Que mourai si nom estrena. Dun doutz bais. Mas en trop dire mes lais. Que de la beutat terrena. An pretz las tres de torena. Don ma pais. Mas il na sobre lor mais. Plus que fis aurs so- bre arena. Eno uoill auer rauena. Ni mais. Quem cuides que nom retena. |
Tant sui d’amorosa mena que mourai si no m'estrena d’un doutz bais mas en trop dire m'eslais que de la beutat terrena an pretz las tres de torena don m'apais mas il na sobre lor mais plus que fis aurs sobre arena e no voill aver Ravena ni mais que·m cuides que nom retena |
| III | |
| Ren en beutat no galia. Ni fai nuilla fan- taumia. Lo ioios. Joues genz cors amoros. Egensa qui la deslia. Et on hom mais nosta- ria. Garnisos. Serian plus enueios. Qe la nueg fai semblar dia. La gola eqin uedia. Plus enios. Totz lo monz nalu(m)pnaria. |
Ren en beutat no galia ni fai nuilla fantaumia lo joios Joves genz cors amoros e gensa qui la deslia et on hom mais nostaria garnisos serian plus enveios qe la nueg fai semblar dia la gola e qin vedia plus enios totz lo monz nalumpnaria
|
| IV | |
| Ies no pot esser co(m)plia. Cortz com noi gab e noi ria. Cortz ses dos. No es mas parcs de baros. Eagram mort ses fadia lenois ela uilania. Dargentos. Mas lo regatz amoros. de la cara dousa pia. Ela francha cortesia. El respos. De la saissa(m) deffendia. |
Jes no pot esser complia cortz c'om no·i gab e no·i ria cortz ses dos no es mas parcs de baros e agra·m mort ses fadia l'enois e la vilania d’Argentos mas lo regatz amoros de la cara dousa pia e la francha cortesia e·l respos de la Saissa·m deffendia |
| V | |
| Eques taing camors maucia. Per la gen sor quel mon sia. Emperdos. Que qan rem- ir sas faisos. Conosc que ia no(n) er mia. Que chausir por sis uolia. Dels plus pros. Castel- lans orics baros. Quen leis eis laseignoria. De pretz ecortesia. De faitz bos. P(er) far so que gen lestia. |
E ques taing c'amors m'aucia per la gensor quel mon sia em perdos que qan remir sas faisos conosc que ia non er mia que chausir por sis volia dels plus pros castellans orics baros qu'en leis eis la seignoria de pretz e cortesia de faitz bos per far so que gen lestia |