| I | |
| (C)Azutz sui de mal en pena. Qar uau lai ol cors me mena. E ia mais nom descarca rei del fais. Qar mes ma ental cadena. On mailla nos descadena. Qar matrais ab un esgar de biais. Duna gaia lisa lena. Fach ai longa qareintena. Mas oimas sui al di ious de la cena. |
Cazutz sui de mal en pena qar vau lai o·l cors me mena e ja mais no·m descarcarei del fais qar mes m’a en tal cadena on mailla no·s descadena qar m’atrais ab un esgar de biais d’una gaia lisa Lena. Fach ai longa qareintena mas oimas sui al dijous de la cena. |
| II | |
| (T)an sui damorosa mena. Qe morai sill nom estrena. Dun douz bais. Mas e(n)trop dir mes lais. Qe de la beutat terrena Han prez las tres de torena. Don ma pais. Mas ill na sobre lor mais. Plus qe fis aur sobra rena. E no uoill auer rauena. ni roais. Qem cuides qem nom retena. |
Tan sui d’amorosa mena qe morai sill no m’estrena d’un douz bais. Mas en trop dir m’eslais qe de la beutat terrena han prez las tres de Torena don m’apais mas ill n’a sobre lor mais plus qe fis aur sobr’arena e no voill aver Ravena ni Roais qe·m cui des qe·m no·m retena. |
| III | |
| Ren beutat no galia. Nin fai nulla fatonia. Lo ioios joues genz cors amoros. E genser qui la deslia. Ezon hom mais no(n) staria. Garnisos. Serian plus en ueios. Qella noich fai senblar dia. La gola equi uizia. plus en iois. Totz lo monz nalum naria. |
Ren beutat no galia ni·n fai nulla fatonia lo ioios joves genz cors amoros e genser qui la deslia ez on hom mais non staria garnisos serian plus enveios qella noich fai senblar dia la gola e qui vizia plus en iois totz lo monz na lumnaria. |
| IV | |
| (G)es no(n) pot ess(er) co(m)plia. Cortz qom noi gab e noi ria. Cortz ses dos. non es mas parcs debaros. Ez agram mort ses fadia. Le nois ela uilania. Darge(n)tos mas lo regarz amoros.
De cara dousa pia. Ela franca cortesia. El respos de la fassam defendia. |
Ges non pot esser complia cortz qom noi gab e noi ria cortz ses dos non es mas parcs de baros. Ez agra·m mort ses fadia l’enois e la vilania d’Argentos mas lo regarz amoros de cara dousa pia e la franca cortesia e·l respos de la fassa·m defendia. |
| V | |
| (A) qes tai(n)g qamors maucia. Per la gensor qel mon sia. En p(er)dos. Qe qan remir sa faissos. Conoscqeia non er mia. Qe chausir pot sis uolia. Dels plus pros. Castela(n)s orircs baros. Qen leis es la seignoria. De prez (et) de cortesia. Defaich bos. <per> Per farqe gen lestia. |
A qes taing q’amors m’aucia per la gensor q’el mon sia en perdos qe qan remir sa faissos conosc que ia non er mia qe chausir pot si·s volia dels plus pros castelans o rircs baros q’en leis es la seignoria de prez et de cortesia de faich bos per far qe gen l’estia. |