 |
B(er)- LO temps nat de ue(n)tedorn. uai e uen e uire. p(er) iorn(s) per mes e per ans. (et) ieu las no sai que dire. q(ua) des es uers mos talans. ades es uers e nos muda. qunan uuelh enai uolguda. don anc non aic iauzimen. Pus elha non pert lo rire. a mi |
 |
en ue dols e dans. quaital ioc ma fait assire dont ai lo peior dos tans. quaitals amors es per- duda ques duna part mante(n)- guda. tro que fai acordamen. Ben deuriesser blasmaire. de mi meteis a razo. quanc no na(s)- quet sel de maire. que tan serui(s) en perdo. e selha no men chastia. a des doblaral folia. que fols no tem tro que pren. Iamais no serai chantaire. ni de lescola neblo. que mos chan- tars no ual guaire. ni mas uol- ras ni mei so. ni res que fassa ni dia. no conosc que pros me sia. ni no uei melhuramen. Si tot fas de ioi paruensa. molt ai din lo cor irat. qui ui anc mai(s) penedensa. faire denant lo pechat. on plus la prec pl(us) mes dura. mas sim breu nin si melhura. uengut er al partimen. Pero ben es quelam uensa. a tota sa uoluntat. que se la tort abistensa. ades naura pietat. q(ue) so mostra lescriptura. ad ops de bona uentura. ual un sols iorn(s) mais que cent. Ia non partrai ama uida. tant cum sia sals ni sas. que pus les- pigues issida. balaia lonc te(m)ps lo gras. e si tot no ses coitada. ia per me non er blasmada. sol mi do adenant semen. Ai bona mors en cobida. cors ben fait delgat e plas. a frecha carn colorida. cui dieu formet ab sas mas. tostemps uos ai de- zirada. quen res altra nom agra- |
 |
da. daltramor no uuelh nien. Dolsa res ben ensenhada. selh quius a tan gen formada. men do sel ioy q(ui)eu naten. |