| K. 160v | |
 |
Bertran de Born RAssa mes se son primier. En la finqe an Parlada li seingno<el> el mainaider. El baron de lencontrada. Esil fan uas nos estrada. Et eu cal mal uos enmer. Que terra no(n) ai cobrada. Cadan me laisson deirer. Quan man mes en lamesclada li gentil eli lainer. Puois qan man ma terra ermada. Earsa et abrasada. Dison cel del colonbier. Quen prenga dretz simagrada. Nos som tal .xxx. guerrer. Chascu(n) ab capa traucada. Tuit seingnor eparsoner. P(er) cor de guerra mesclada. Quanc no(n) cobre(n) dinerada. Ans als colps quan es mestier. An lor querre- Ila prestada. Qui mai seran ric porter. Que tenran porta seirada. Esabran ar balester. Que la patz en len contrada. Com no(n) lor daria soudada. Et auran aisil lebrer. Del comte samor p(ri)uada. [A]ustor efalco gruer. lors etabors encuirada. li braquet el liamer. Arc esagita barbada. Gu- arnacha larga foudrada. Et osas de salauer. Seran mai delor mainada. Cercat ai de monpellier. Tro lai part la mar salada. Que no(n) trob baron entier. Aia proessa acabada. Quel mieg luec nosie oschada. Ofra- tsa enlor cartier. Ni mais .j. nomi agrada. Bona domna adieu uos quier. Que tant uos ai desiranda. Que mort man li desirer. Auine(n) domna presada. Na tempres genser ma grada. Que ma per so messagier. Del nom la rason cellada. |