 |
Bernartz deuentedorn. EN cossirier et en esmai. Sui dun amo(r) qem lassa em te. Que tant non uau ni sai ni lai. Quill ades nom teigna en son fre. Caras ma dat cor etalen. qieu enquises si podia. Tal que sil reis lenqe- ria. Auria faich grand ardimen. Ai las chaitius eqem farai. Ni cal cosseil penrai deme. Qella non sap lo mal q(ue)u trai. Ni eu noil aus clamar merce. Folla res ben as pauc desen. Qella non ca ta- maria. P(er) nom que p(er) drudaria. Qanz not laisses leuar al uen. Edoncs puois atressim morrai. Dirai li lafan que men ue. Uers es cades lo li dirai. No farai alamia. Si sabia qa un tenen. Enfos tot espaigna mia. Anz uuoill morir defeunia. Car anc mi ue(n)c enpessamen. Ia p(er) mi non sabra qieu mai. ni autre nolen dira re. Amic non uoill ad a qest plai. Anz p(er)da dieu qui pro men te. Qieu non uuoill cosin ni paren. Q(ue) mout mes grans cortesia. Camors p(er)mi donz maucia. Mas alieis non estara gen. Edoncs ella cal tort mi fai. Quil non sap p(er) que sesdeue. Dieus deuinar de- gra oimai. Qieu muor p(er) samor. (et) aq(ue). Al mieu nesci chaptenemen. Et ala |
 |
gran uilania. P(er) qeil legua mentrelia. Qand ieu denan lieis mi presen. Negus iois almieu noseschai. Qan ma dompnam garda nim ue. Qel sieus bels doutz semblans mi uai. Al cor que ma doussa em reue. Esim duraua lon- gamen. Sobre sains li iuraria. q(ue)l mon mais nuills iois non sia. Mas al partir art et encen. Pois messatgier noil trametrai. ni ami dire nois coue. Negun cosseill demi no sai. Mas duna ren mi conort be. Ella sap letras (et) enten. Et agradam qieu escria. Los motz esalieis plazia. Legis los almieu saluamen. Esalies autre dols non pren. P(er) dieu e p(er) merceil sia. Qel bel solatz q(ue) mauia. nom tuoilla nil sieu parlar gen. |