 |
idem Lan qan uei p(er)mei la landa. Dels arbres chair la fuoilla. Anz qel freidura sespanda. nil genz termini ses co(n)da. mes bel qe sia auziz mos cha(n)z. qestat |
| naurai mais dedos anz. econue qen faza esmenda. Molt mes greu qe rebla(n)da. Celei qi uas mi sorguoilla. Car se mos reill doma(n)da. Noill plaz qe mot mi respo(n)da. Ben mauzit mos nescis tala(n)z. Car sec damors lobels senbla(n)z. Enoue camors late(n)da. Tan sap de(n)gen edega(n)da. Qades cuit camar mi uoilla. Ben dolzame(n) ma trua(n)da Qabel senblan mi co(n)funda. Donna conoiseç nulz enanz. Qeben tenc qes uostre los danz. Cossi qe uostrom mal p(re)nda. Deus qe tot lomon gara(n)da Limeita encor qe ma cuoilla. Car me no ten p(ro) uianda. Ni negus bes noma onda. Tan sui uas labella doptanz. P(er) qem ren alei m(er)ceianz. Sil plaz qe(m) don oqem ue(n)da. Mal ofara si no(n) ma(n)da. Uenir lai on se despuoilla. Qeu sia p(er)sa coma(n)da. Pres delleis iusta lespo(n)da. Eill traial solars be(n) chalchanz. Agenoillz et humilianz. Sill plaz qesos pes mite(n)da Faiz es louers toz ara(n)da. Siqe moz noi des chapduoilla. Oltra lat(er)ra norma(n)da. Part la fera mar p(re)ionda. Esi sui demidonz lognanz. Ues sim tira co(m) adimanz. Labella cui d(eu)s defe(n)da. Sel reis engles el dux normanz. Louol en lauerai abanz. Qel inuerç nos sobre p(re)nda. |