Tu sei qui

Edizione diplomatica

Schede primarie

bernard dauentadorn.
QAn par la flors iostal
uerd fueilh. e uei lo
temps clar e sere. lo
dous chanz dells auzells per
brueilh. alegra mo(n) cor e re
ue. pos ilhauzell chanton a
lur for. ieu qai mais de ioi
dinz mon cor. dei ben cha(n)tar
qar tut li mei iornal. so(n) ioi
e chant qieu no(n) pens de ren al.

QAr cilh del mon qe ieu plus
uueilh. e mais am de cor e de
fe. au de ioi mos chanz els a
cueilh. e mos ditz escout e
rete. e som ia per ben amar
mor. ieu morrai qar de dinz
en mon cor. li port amor tan
fin e tan coral. qe fals so(n) tut
ues mi li plus lial.

TAls ya qi an mais dergueillz.
qan granz iois ni granz bes
li ue. mas ieu sui de plus bell
escueilh. e plus francs qan
dieus mi fai be. mas cor qieu
fos damor alor. de lor sui ue(n)
gutz tro al cor. merce mi do(n)s
non ai par mi egal. tot ai
qan uueilh sol qe dieus la
mi sal.

DOmna si nos uezon miei hu
eilh. ben sapchatz qe mos cors
uos ue. e nos dueilhatz plus
qieu mi dueilh. qieu sai co(m)
uos destreinh per me. e sel
gelos uos bat de for. gardatz
qe ne uos batalcor. mas sius
fa mal uos alui atretal. e ia

ab uos no gazainh ben per
mal.

BEn sai lanuech qan mi des
pueilh. q(ue)el lieg non dormi
rai re. lo dormir pert qar ieu
lam tueill. domna qar de uo(s)
mi soue. qar lai on hom aso(n)
tresor. uolom ades tener so(n)
cor. per uos ho dic domna do(n)
plus mi cal. negus uezer mo(n)
bon pensar non ual.

QAn mi menbra co(m) amar su
eilh. la falsa de mala merce.
sapchatz qaital ira me(n) cueill.
qa per pauc de ioi nom recre.
domna de cui chant em de
mor. ab la bocam metetz el
cor. un dous baissar de fin a
mor coral. qem don fin ioi
em luenh ira mortal.

SOl dieus mi dons e mo(n) bell
uezer sal. tot ai qan uueilh
qe no(n) deman ren al.

MOn bell uezer gar dieus (dirae) d(e) mal.
sil sui de luenh e d(e) p(re)s atretal.