Tu sei qui

Edizione diplomatica

Schede primarie

Bernard del uentador.

CAnt p(er)t la flor iustal uert foil.
Euei lo te(m)ps clar eserem.

El dolz chant del auzel pel broil.
Adouza mor cor em reue.
Pois lauzel chantan a lor for.
Eu cai plus en ioi mon cor.
Dei ben chantar pos tot li mei iornal.
So(n) ioi echant q(ue)u no(n) pe(n)s derenal.

QElla del mon cui en tant uoil.
E plus am ede cor ede fe.
An de ioia mos diz emacoil.
E mos precs escouta erete.
Em som iam p(er) ben amar mor.
Eu no(n) morai qins en mon cor.
Li port amor tan fin enatural.
Qe fals son tuig u(er)s mi li plus lial.

CAnt mi m(em)bra cui amar soil.
La falsa de mala merce.
Sapzatz ca tal ira macoil.
P(er) uiu de ioia no(m) recre.
Do(m)pna p(er)cui chant edemor.
P(er) la boccam firez al cor.
Dun dulz baisar de fin amor coral.
Qem metra ioia em iet lira mortal.

BEn sai la noit qant mi despoil.
E leit q(ue) noi dormirai re.
Lo dormir p(er)t qeu eis lom toil.
P(er) uos do(m)pna don mi soue.
E lai on hom ason tesor.
Uol on ades tenir son cor.
Can pens de uos do(m)pna de cui mical.
Negus tresor mo(n) bo(n) pensar nom ual.

TAls nia q(ue) amais dorgoil.
Qa(n)t grand ioi egrand ben li ue.
Mais ensoi de meillor escoil.
E plus francs ca(n)t deus mi fa be.
Cora q(ue) fos damor alor.
De lor soi ben uengutz al cor.
Merces entent midons de cui mical.
E salei platz no(n) ai par niengal.

DOmpna se nous uezon mei oil.
Ben sapzas que mos cor uos ue.
E nous dolez plus q(ue) mi doil.
Car sai com uos destrein p(er) me.
E sel ielos uos bat defors.
Gardatz que no(n) uos batal cor.
Sel uos fai enoi euos loi atretal.
E ia ab uos no(n) gazain re(n) p(er) mal.

MOn bel uezer gart deus dire d(e) mal.
Can soi de loin edapres atretal.
Sol deus mi sal mo(n) bel uezer el grat.
Tot ai qa(n)t uoil q(ue) no(n) pe(n)s de ren al.