I |
---|
v.1
C: Amors est une mervoille v. 2 C: dont on se doit mervillier. v. 3 C: Nuls ne s'en doit consilier v. 4 C: et cil ke plux s'en consoille v.5 C: moins en seit com il est pris. v. 6 C: J'en cuidai avoir apris v. 7 C: plus ke nuls n'en puist aprandre v. 8 C: et se ne m'en sai deffendre. |
II |
v. 9
C: Je sospir sovent et velle v. 10 C: car Amors me fait veillier, v. 11 C: penceir et engenoillier v. 12 C: et quant je plus m'engenoille v. 13 C: davant la belle a cleir vis, v. 14 C: lors me truis si esbahit v. 15 C: ke ne li sai raixon randre v. 16 C: dont elle me veille entendre. |
(C) III |
Belle et bone sens paroille, gent cors et bien affaitie, en vos n'en ait k'ensignier. Vostre amor trop me travaille, vostre cleirs vis c'ades rit nuit et jor me fait languir. Ne me sai vers vos deffendre, pities vos en devroit prandre. |
(R) III |
Nulle riens ne s'apareille la ou Amours veut aidier et qui n'en set le mestier drois est que d'amours se dueille. G'i avoie mon cuer mis et cuidai bien estre amis, mes el ne mi veut entendre si me convendra atendre. |
(R) IV |
Ie dor petit et soumeille, ainz sui comme au defenir. A ces maus mi fait venir fine Amour la nonpareille du mont qui mi fait mourir, si ne li sai riens gehir dont ma dolour feist mendre: j'ai pis que cil c'on va pendre. |
(R) V |
Comment que Amours m'acueille, ie soufferrai en tel point et fausete ne ferai point; n'est pas amis qui s'orguille, je servirai comme amis car piece a que i'ai apris. Nus ne doit service rendre de riens qui il veulle emprendre. |
(a) IV |
Mais Amours n'est k'aventure, on n' i fait k'aventurer; Amour fait mal endurer a tes ki tous jours l'endure, n'onques nul deduit n'i prent, et tes a amer enprent. Ki tost a sa joie plaine, de deduit a peu de paine. |
(a) V |
Tant ai de duel et de rage, k'a peu ne sui esragies; ja n'en ere asouagies s'Amour ne m'en asouaie, ki tous tans pourkiert me mort au cuer juq'en la racine que prendre n'en sai mecine. |