[c. 78 v. C]
 |
Merci clamans de mon fol errement. ferai la fín de mes |
[c. 78 v. D]
  |
a esciant. mes ialous cuers. que ie doi tant hair. sima mal fet. par le dit dautre gent. tout sont parti de moi ioieus talent. et quant ioie me faut. bien est re son. quapres ma ioie. fenissent. Bien sai quil est leus (et) tens mes chancons. (et) sesons. qua touz les b(ie)ns dumont doie faillir. car iel forfis (et) moie est lachoisons que qui mal quiert il doit b(ie)n mal soffrir. diex doint quamours en soit mes guerredons. ainz que de moi face liez les felons. car por mon pis mitrai (et) pour uooir. ma bele perte. por plus ioie amenrir Atouz amans pri quil dient le voir. li quiex doit miex par droit damours. ioir. ou cil qui aíme de |
[c. 79 r. A]
 |
cuer ason pooir. (et) ne sen set míe tres bien couurir. ou cil qui sert ades p(our) deceuoir. (et) bien sen set partir par son sauoir. dites amant qui vaut miex par reson. loial folie. ou sage traison. Se guerredon fussent rendu adroit. bien mideust. amors mo(n) leu tenír. que ie le fis en bonne entencion. (et) bien cuídai b(ie)ns men deust venír. mes ma dame ne me veut se mal non. pour ce si he moi (et) ma guerison. et q(ua)nt mes maus lisont douz. (et) plesa(n)t pour li me he. (et)sui mon mal voilla(n)t. He franche rienz. pour qui ie muír amanz. fetes amors en vous plus biau fenír. seur toutes fíns est ce la miex vaillanz. (et) ne por q(ua)nt. sen p(uis) ie bien mentir. car fínz amans. ne puet estre auenanz. se mort. nen p(ar)t pour ce morrai. soffranz. (et)chanterai sanz ioie (et) sanz fínee. que plus ne doi afín damours pensee. |