 |
Bernartz de uentadorn Quant la fuoilla sobre lalbre sespan. Edel so- leill uezer claritz los rais. Et li ausel se(n) uan enamoran. Lus per lautre efan uoltas elais. E tot quant es sopleia uas amors. Mas sola uos ques greu per conuertir. Bona domna per cui plaing esospir. En uao meiz morz en- trels rienz ploran. |
 |
A quom man mort fals amador truan. Q(ue) per un pauc de ioi los uei trop gais. Ecar a des tot lor uoler no(n) an. Jll uan dizen camors |
 |
torna en biais. Edautrui ioi los uei deuinadors. Ecar son mort uolun altrui ausir. Mas demi- us dic que nome(n) puosc partir. La gensor am ia noianos doptan. |
 |
Souen la uau entrels meillors blasman. Et en mas ditz totz sos affars abais. Per esp- ar de chascun son semblan. Eper saber de so(n) pretz ques uerais. Si es tengutz per tant bo(n) entre lors. Mas trop opuosc demandar et a- uzir. Qadu(n)c naug tant achascu(n) de ben dir. Per quieu nai pretz en uau plus desiran. |
 |
Anc mais nuls hom no(n) trais tan greu affa(n). Con eu per leis mas leugiers mes lo fais. Qant eu esgart son gen cors benestan. El gent parlar ab que suau matrais. Els sie- us bells oiss fesas frescas colors. Molt se sa up gen beutatz en lei assir. Con plus lesgar mais la uei embelir. Dieus me don ca(n)c rein no(n) amei tan. |