| I | |
| Sercalmo(n) C an laura dossa samarguis. el fuelha chay de sul uerian. e lauzel chanton en lur latis. (et) yeu de say sospir e cha(n) damor quem te lassatz e pres. ne ancar non lac en poter. |
Sercalmon Can l'aura dossa s'amarguis e·l fuelha chay de sul verian e l'auzel chanton en lur latis et yeu de say sospir e chan d'amor que·m te lassatz e pres ne ancar non lac en poter. |
| II | |
| L as que damor no(n) ay co(n)q(ui)s. mas las trebalhis e las fan. ni re(n) ta(n) greu no(n) co(n)u(er)tis. co(m) aco co(m) no(n) pot auer. |
Las q'ieu d'amor non ay conqis Mas las trebalhis e las fan ni ren tan greu non convertis com aco com non pot aver. |
| III | |
| P ero dun ioy me(n) esiauzis. duna ca(n)c ie no(n) amey ta(n)t. ca(n)t son ab leys sim esbais. q(ue)eu no say dire mo(n) tala(n). e ca(n) me(n) uau ueiayre mes. q(ue) tot p(re)dal sen el saber. |
Pero dun ioy m'en esiauzis d'una canc ie non amey tant cant son ab leys si m'esbais q'ieu no say dire mon talan e can m'en vau veiayre m'es que tot preda·l sen e·l saber. |
| IV | |
| T ota La ge(n)sor ca(n)c ho(m) uis. e(n) co(n)tra leys no(n) pretz un gan. car tot lo se gles brunezis. lay o(n) ilh es aisi repla(n). dieus mi respieyt tro q(ue) eu lagues. o q(i)eu la veian(a)r iazer. |
Tota la gensor canc hom vis encontra leys non pretz un gan Car tot lo segles brunezis Lay on ilh es aisi replan dieus mi respieyt tro q'ieu lagues o q'ieu la vei' anar iazer. |
| V | |
| N i muer ni uieu ni no ga risc. ni mal no sent e si ley grant. car de samor no soy deuis. ni no say que nauray o cant. q(e)n leis es tota la merces. quem pot sor zer o dechazer. |
Ni muor ni vieu ni no garisc ni mal non sent e si ley grant car de s'amor no soy devis ni no say que nauray o cant q'en leis es tota la merces que·m pot sorzer o dechazer. |
| VI | |
| T otz trassalh e bran e fremisc. p(er) samor durme(n) e uelham. tal paor ay qe no(m) falhis. no sai pensar co(m) la dema(n). mas s(er)uir lay dos ans o tres. e pueis be(n) leu sabran lo u(er). |
Totz trassalh e bran e fremisc per s'amor durmen e velham tal paor ay que nom falhis No sai pensar com l'ademan mas servir lay dos ans o tres e pueis ben leu sabrai lo ver. |
| VII | |
| S ela no(m) uol uolgra murir lo dia q(uem) pres a coman. ay dieus ca(n) suau et maucis. ca(n) de samor mi fes semblan. car mort ma e no say p(er) q(e)s. q(i)eu m(a)s un(a) no(n) uuelh uezer. |
Sela no·m vol volgra murir lo dia que·m pres a coman ay dieus can suavet m'aucis can de s'amor mi fes semblan car mort m'a e no say per qes q'ieu mas una non vuelh vezer. |
| VIII | |
| G aug ay sela me folatis. o(m) fay muzar o uiu badar e es me bel sim escarnis. om torn(a)tras o uau ena(n). ca pruep lo mal me(n) ue(n)ra bes. be(n) tost saleys ue(n) en plazer. |
Gaug ay sela me folatis om fay muzar o vau badar e es me bel si m'escarnis om torn atras o vau enan ca pruep lo mal m'en venra bes Ben tost s'a leys uen en plazer. |
| IX | |
| P er leys serai totz fals e fis o u(er)tadiers. o ples de(n)ia(n). totz uilas o totz cortes o trebalhiers o ab plan dema(n). cerral mo(n) ditz grey er cortes ho(m) q(ue) damors se desesper. |
Per leys serai totz fals e fis o vertadiers o ples d'enian totz vilas o totz cortes o trebalhiers o ab plan deman. Cerralmon ditz: grey er cortes hom qe d'amors se desesper. |