| Qvant enbertrans ac faich lo sirue(n)tes q(ue) ditz. pois als baros enoia elor pesa.Et ac dich al rei felip com. perdia de cinc ducatz los tres. ede guiortz la renda el p(er)chatz. Ecom caerci(n)s remania en guerra et en barata e la terra dan- golerma. Ecom frances ebergoi(n)gno(n) auia(n) ca(n) biat honor p(er) cobeza. ecom lo reis felips auia anat plaideian sobre la riba delaiga. Ecom el no(n) auia uolguda la patz cant fon desarmatz. Esi tost com el fon armatz p(er)det p(er)uiutat lar- dimen ela forza.Eque mal semblaua del cor enric loncle de raols del cambrais.Q(ue)desarm- atz uolc que la patz si fezes de raols so(n) nebot.ab los quatre fills nalbert. Ede pois que fon ar- matz no(n)uolc patz ni concordi. Ecom totz reis era aunitz edesonratz pois come(n)saua adautre rei p(er) terra qua quel reis li torgues.Car el faz ia patz ni treua tro la dema(n)da q(ue)il fazia agues co(n)quista erecobrat so que fos dreitz erasos. Do(n) li autre rei lo tenon desiritat. Ep(er) far uergoin- gna als ca(m)panes dels esterlins que foron seme- nat entre lor. p(er)so queill uolgueson tornar ala guerra. Tuit li baron de peitieus ede lemo- zin enforon molt alegre. Que molt erent t(ri)stz de la pas. p(er)so que mems neron onrat ecar te(n)- gut p(er) amdos los reis. lo reis richartz si carguet molt dorgoill daquesta patz.Ecom(en)set far to(r)z |
Quant en Bertrans ac faich lo sirventes que ditz “Pois als baros e noia e lor pesa” et ac dich al rei Felip com perdia de cinc ducatz los tres e de Guiortz la renda el perchatz e com Caerci(n)is remania en guerra et en barata e la terra d’Angolerma e com Frances e Bergoingnon avian canbiat honor per co beza e com lo reis Felips avia anat plaideian sobre la riba de l’aiga, e com el non avia volguda la patz qant fon desarmatz. E si tost com el fon armatz perdet per viutat l’ardimen e la forza. E que mal semblava del cor Enric l’oncle de Raols del cambrais. Que desarmatz vol que la patz si fezes de Raols son nebot ab los quatre fills n’Albert e de pois que fon armatz non volc patz ni concordi e com totz reis era aunitz e desonratz pois comensava ad autre rei per terra qua quel reis li torgues. Car el fazia patz ni treua tro la demanda queil fazia agues conquista e recobrat so que fos dreitz e rasos don, li autre rei lo tenon desiritat e per far vergoingna als Campanes dels Esterlins que foron semenat entre lor, per so queill volgueson tornar a la guerra. Tuit li baron de Peitieus e de Lemozin en foron molt alegre que molt erent tristz de la pas per so que mems n’eron onrat e car tengut per am dos los reis. Lo reis Richartz si carguet molt d’orgoill da questa patz e comenset far torz |
| edesmesuras en las terras del rei de fransa. Q(ue)mar- cauan ablas terras d[...]. El reis felips uenia a areclam adaicels [...] faita la patz entre lor dos. En richartz no(n) uolia [...] dreg far. Don fon ordenatz p(er) lor uns pa[...] en fo- ron ensems en la ma[...] El reis felips si fetz mains reclams den richartz. Don ambdui uengron agrans paraulas (et) as ma- las. Si quen richart lo definet el clamet uil re- crezen esis dessieron esis partiron mal. Ecant Betrans de born auzi queil eront mal partit si fo molt alegres. Et aisso fon el temps al comen- same(n)t destiu. Don Bertrans fetz aquest siruentes que uos aras auziretz. Al douztermini blanc. del pascor uez la estat. Et enaquel siruentes el pois fort lo rei felip. Quel degues comensar la gue(r) ra ablo rei richart. afuoc et asanc. Edis quell re- is felips uolia mais patz cuns morgues. Enrich- art ab cui el sapellaua oc eno(n) mais guerra que negus dels algais. Queron quatre fraire gran raubador eraubauen emenauen ben ablor mil rabaudors acaual eben doa milia ape. Eno uiui- on <dautra> dautra renda ni dautre perchatz. |
e desmesuras en las terras del rei de Fransa que marcavan ablas terras d[...]. El reis Felips venia a areclam a d’aicels [...] faita la patz entre lor dos, En richartz non volia [...] dreg far. Don fon ordenatz per lor uns pa[...] en foron ensems en la ma[...] El reis Felips si fetz mains reclams d’En Richartz, don ambdui vengron a grans paraulas et as malas. Si quen Richart lo definet el clamet vil recrezen e sis dessieron e sis partiron mal. E cant Betrans de Born auzi queil eront mal partit si fo molt alegres; et aisso fon el temps al comensament d’estiu, don Bertrans fetz aquest sirventes que os aras auziretz: “Al douz termini blanc. del pascor uez la estat” et en aquel sirventes el pois fort lo rei Felip. Quel degues comensar la guerra ablo rei Richart a fuoc et a sanc, e dis quell reis Felips volia mais patz cuns morgues. En Richart ab cui el s’apellava Oc-e-No mais guerra que negus dels Algais, qu’eron quatre fraire gran raubador e raubaven e menaven ben ab lor mil rabaudors a caval e ben doa milia a pe e no vivion <d’autra> d’autra renda ni d’autre perchatz. |