| [Q]ant richart. aic fata la patz c(on) Bertran de born. eill ac re(n)dut. |
Qant Richart aic fata la patz con Bertran de Born eill ac rendut |
| son castel autafort el croset lo reis. richart. epasset oltramar. E bertrans remas guerreian co(n) nai mar lo uesco(n)te de lemoges econ lo comte de peiregors. eco(n) totz lo(s) autres baros de uiron.esic(on) auez ente(n)dut. qan.R(ichart). sen tornaua. el fo pres enalemagn. (et) si estec en preson dos anz esi serez emet p(er) auer.Eqan B(ertrans)de bornsaup q(ue)l reis deuia essir de preison molt fo alegres p(er) lo gran ben qel sabia. qel auria del rei.ep(er) so danqe se ria asos enimics. Esapchatz q(ue)n bertran auia escript en son cor totz los mals el danz qe aquist guereiador auian faitz en lemo zin (et)en las terras del rei. R(ichart). E fez son sirue(n)tes. |
son castel Autafort, el croset, lo reis Richart e passet oltramar. E Bertrans remas guerrejan con N'Aimar, lo vesconte de Lemoges, e con lo comte de Peiregors e con totz los autres baros de viron. E si con avez entendut, qan Richart s'en tornava, el fo pres en Alemagn et si estec en preson dos anz e si serez e met per aver. E qan Bertrans de Born saup que·l reis devia essir de preison molt fo alegres per lo gran ben q’el sabia q’el auria del rei e per so dan qe seria a sos enimics. E sapchatz qu’En Bertran avia escript en son cor totz los mals e·l danz qe aquist guerejador avian faitz en Lemozin et en las terras del rei Richart e fez son sirventes. |