| B. de uentedorn. | B. de Ventedorn. |
| I | I |
| LO gens temps de pascor. ab la fresca uerdor. nos a duy fuelh e flor. de di- uersa color. per q(ue) tug amador. son guay e cantador. mas ieu q(ue) plang e plor. cuy ioys non a sabor. |
Lo gens temps de pascor ab la fresca verdor nos aduy fuelh’e flor de diversa color, per que tug amador son guay e cantador mas ieu que plang e plor, cuy ioys non a sabor. |
| II | II |
| A uos mi clam senhor. de mi- dons e damor. qua questz trai- dor. quar me fiauen lor. mi fan uiurab dolor. per ben e per ho- nor. quai fag ala gensor. que nom ual ni ma cor. |
A vos mi clam, senhor, de midons e d’Amor, qu’aquestz traidor, quar me fiav’en lor, mi fan viur’ab dolor per ben e per honor qu’ai fag a la gensor, que no·m val ni·m a cor. |
| III | III |
| Penae dolor e dan. nai agut e nay gran. mais suffert o ai ta(n). no mo tenc ad afan. quanc no ui nulh aman. miels ames ses enian. quieu nom uau ges ca(m)- ian. si cum las domnas fan. |
Pena e dolor e dan n’ai agut, e n’ay gran, mais suffert o ai tan. No m’o tenc ad afan; qu’anc no vi nulh aman, miels ames ses enian, qu’ieu no·m vau ges camian si cum las domnas fan. |
| IV | IV |
| Pus fom amdui enfan. lai a- made la blan. el uau mamor doblan. a quascun iorn de lan. e si noys trai auan. amor e bel semblan. pus er uiellam dema(n). que maya bon talan. |
Pus fom amdui enfan, l’ai amad’e la blan; e·l vau m’amor doblan a quascun iorn de l’an. E si noy·s trai avan amor e bel semblan, pus er viella·m deman que m’aya bon talan. |
| V | V |
| Las e uiure quem ual. quar non uey a iornal. mon fin ioy naturalh. e lieys al fenestral. blanque fresqua tretal cu(m) par neus a nadal. si quam dui co minal. mezuressem engal. |
Las! E viure que·m val, quar non vey a iornal mon fin ioy naturalh e lieys al fenestral blanqu’e fresqu’atretal cum par neus a Nadal, si qu’amdui cominal mezures s’em engal? |
| VI | VI |
| No uitz drut tan leyal. que meyns o aia sal. quieu port amor coral. a lieys de me non cal. enans dic que per al. no ma ira mortal. e si per som fai mal. pechat fai cominal. |
No vitz drut tan leyal, que meyns o aia sal, qu’ieu port amor coral, a lieys de me non cal; enans dic que per al no m’a ira mortal; e si per so·m fai mal, pechat fai cominal. |
| VII | VII |
| Be for huei mai sazos. belha dona e pros. quem fos datz a rescos. em baizan guizardos. si ia per als no fos. mas quar sui enuios. qus bes ual dautre dos. quan per fosaes faitz dos. |
Be for’hueimai sazos, belha dona e pros, que·m fos datz a rescos e·m baizan guizardos, si ia per als no fos, mas quar sui enuios, q'us bes val d’autre dos, quan per fosa es faitz dos. |
| VIII | VIII |
| Quan mir uostras uostras fais- sos. els belhs huels amoros. bem merauelh de uos. cum etz de mal respos. e semblan tracios. quant hom par franx e bos. e pueys es orgulhos. lai on es po deros. |
Quan mir vostras vostras faissos e·ls belhs huels amoros, be·m meravelh de vos cum etz de mal respos. E semblan tracios, quant hom par franx e bos e pueys es orgulhos lai on es poderos. |
| IX | IX |
| Belh uezer si no fos. mos enans totz en uos. ieu lais- sera chansos. per mal dels enu- ios. |
Belh Vezer, si no fos mos enans totz en vos, ieu laissera chansos per mal dels enuios. |