 |
Bernardus. Lo te(m)ps uai (et) uen (et) uire. P(er) iorn (et)p(er) mes (et)p(er)anç. Et eu las no(n) sai qe dire. Qa des es us mos talans. Ades es us (et) nous muda. Cu nan uoil (et)ai uolguda. Don anc no(n) ac iaudiment. Pos ela non pert lo rire. Ami en uen edols (et)dans. Qai tal ioc ma fait aissire. Dont ei lo peior dos tanç. Qai tals amors es p(er)duda Qes duna part mantenguda. Tro qe fai accordame(n)t. Ben deuria esser blasmaire. De mi meteis arraison. Qanc no(n) nasqet cel de maire. Tant seruissa emp(er)don. Esella no me(n) chastia. Ades doblaral folia. Qe fols no(n) ten pro qe prens. Iamai no(n) serai chantaire. Ni de lascola neblon. Qe mos chantars no(n) ual gaire. Ni mas uoltas ni mei son. Ni res qeu faça ni dia. No(n) conosc qe pro mi sia. Ni non uei meillorame(n)t. |
 |
Si tut fai de ioi paruença. Molt ei dinç lo cor irat Qi uis anc mais penedença Faire de nan lo peccat. On plus la prec plus mes dura. Mai senbreu nos mellora. Uengut era al partime(n)t. Pero ben es qellam uença. A totta sa uolentat Qe sella tort obistença Ades naura pietat. Qe cho mostra lescrittura Causa de bona uentura. Ual un sol iorn mais qe cent. Ia non partrai ama uida Tant com sia saus ni sains. Qe pos lalma nes eissida. Balaia lonc te(m)ps lo grans. E si tot no ses coitada. Ia p(er) me no(n) er blasmada. Sol deus adenan se ment. Hai bon amors en cobida. Cor ben fait deliat plains. Hai fresca carn colorida Cui deus formet ab las mains. Tos te(m)ps uos ai desirada. Qe res altra no ma grada. Altramor ni uoil nient. Dolça res ben ensignada Cel qios a tan gent formada Men dol cel ioi qeu natten. |