| I | I |
| Arem al freg temps vengut. Quel gels el neus ela faingna. Eill auselet estan mut. cus de chantar no safraigna. E son sec li rams pels plais. Qe flors ni fuoilla noinais. Ni rossignolls noi c(ri)da. Que lam e mai me reissida. |
Ar em al freg temps vengut. Quel gels el neus e la faingna. E ill auselet estan mut. C'us de chantar no sa fraigna. E son sec li rams pels plais. Qe flors ni fuoilla no i nais. Ni rossignolls no i crida. Que l’am e mai me reissida. |
| II | II |
| Tant ai lo cors de seubut. Per quien soi totz estranigna. E sai que lom a perdut mot plus tost que non gazaigna. Esieu faill ab motz uerais. dau renga me mec l’esglais. Per queu ne stauc esbaida. En pert solatz e pantida. |
Tant ai lo cors deseubut. Per qui en soi totz estranigna. E sai que l’om a perdut Mot plus tost que non gazaigna. E s’ieu faill ab motz verais. D’aurenga me mec l’esglais. Per qu’eu n’estauc esbaida. En pert solatz e pantida. |
| III | III |
| Domna mes mout mal sa mor. Que ab ric home plaideia. Ab plus aut de uauasor. E sill afai ill follera. quar so dison en uellai. Que ges per ricor no(n) uai. E domna que nes chau zida. En tenc per enuilanida.
|
Domna mes mout mal s’amor. Que ab ric home plaideia. Ab plus aut de vavasor. E s’ill a fai ill follera. Quar so dison en vellai. Que ges per ricor non vai. E domna que n’es chauzida. En tenc per envilanida. |
| IV | IV |
| Amic ai de gran valor. Que sobre totz seignoreia. E non a cor trichador. Vas me que samor mautreia. Eu dic que mamors leschai. Ecel que dis q(ue) non fai. Dieus li don mal escarida. Queu men teing fort per guerida. |
Amic ai de gran valor. Que sobre totz seignoreia. E non a cor trichador. Vas me que s’amor m’autreia. Eu dic que m’amors l’eschai. E cel que dis que non fai. Dieus li don mal escarida Qu’eu m'en teing fort per guerida. |
| V | V |
| Bels amics de bon talan. son ab uos totz iorn engage. Cor tesa e de bel semblan. Sol non de mandes outratge. Tost enuei(n)re(m) al assai. Quen uostra mercem metrai. Ves mauetz la fe pleui da. Que no(n) demandes faillida. |
Bels amics de bon talan. Son ab vos totz iorn engage. Cortesa e de bel semblan. Sol non demandes outratge. Tost enveinrem al assai. Qu’en vostra merce.m metrai. Ves m’avetz la fe plevida. Que non demandes faillida. |
| VI | VI |
| A dieu coman bel esgar. Ep lus la cuitat daurenga. Eglo rietel caslar. El seingnor de proensa. E tot quant uol mon ben lai. E larc on son fag lass ai. Cellui per dei cama uida. en serai totz iorns marrida. |
A dieu coman bel esgar. E plus la cuitat d’aurenga. E gloriet el caslar. El seignor de proensa. E tot quant vol mon ben lai. E larc on son fag l’assai. Cellui perdei c’a ma vida. E’n serai totz iorns marrida. |
| VII | VII |
| Ioglars que avetz cors gai. Ves narbona portatz lai. Ma chanson ab la fenida. Lei cui iois eiovenz guida. |
Ioglars que avetz cors gai. Ves narbona portatz lai. Ma chanson ab la fenida. Lei cui iois e iovenz guida. |