   |
Arem al freg temps uengut. Quel gels el neus ela faingna. Eill auselet estan mut. Cus de chantar no safraigna. E son sec li rams pels plais. Qe flors ni fuoilla noinais. Ni rossignolls noi c(ri)da. Que lam e mai me reissida. Tant ai lo cors de seubut. Per quien soi totz estranigna. E sai que lom a perdut mot plus tost que non gazaigna. Esieu faill ab motz uerais. Dau- renga me mec l’esglais. Per queu ne stauc esbaida. En pert solatz e pantida. Domna mes mout mal sa- mor. Que ab ric home plaideia. Ab plus aut de uauasor. E sill afai ill follera. quar so dison en uellai. Que ges per ricor no(n) uai. E domna que nes chau- zida. En tenc per enuilanida. Amic ai de gran ualor. Que sobre totz seignoreia. E non a cor trichador. Vas me que samor mautreia. Eu dic que mamors leschai. Ecel que dis q(ue) non fai. Dieus li don mal escarida. Queu men teing fort per guerida. Bels amics de bon talan. son ab uos totz iorn engage. Cor- tesa e de bel semblan. Sol non de- mandes outratge. Tost enuei(n)re(m) al assai. Qen uostra mercem metrai. Vos mauetz la fe pleui- da. Que no(n) demandes faillida. Adieu coman bel esgar. Ep- lus la cuitat daurenga. Eglo- rietel caslar. El seingnor de proenssa. Etot quant uol mon ben lai. E larc on son fag lass- ai. Cellui per dei cama uida. en serai totz iorns marrida. Ioglars que avetz cors gai. Ves narbona portatz lai. Ma chanson ab la fenida. Lei cui iois eiouenz guida. |