| A lentrant du douz ter mine. du mois nouuel· que la flor nest en lespine. et cil oisel. chantent par mi la gaudine seri et bel. lors me rassaut amors fine dun t(re)s douz mal. que ie ne pens al. fors la ou mes cuers sacline. |
I. A l'entrant du douz termine du mois nouvel, que la flor nest en l'espine, et cil oisel chantent par mi la gaudine seri et bel, lors me rassaut amors fine d'un tres douz mal, que je ne pens al fors là ou mes cuers sacline. |
| Onques dautrui noi en uie. ne ia naurai. et se mes cuers si affie. de duel morrai. car trop main greueuse uie. des max que iai. he las ele ne set mie. ne ie ne sai. se ie iames li dirai. bele ne mociez mie. |
II. Onques d'autrui n'oi envie, ne ja n'avrai, et se mes cuers si affie de duel morrai, car trop main greveuse vie des max que j'ai. He las! ele ne set mie, ne je ne sai, se je jamés li dirai "bele ne m'ociez mie". |
| A touz les iorz de ma uie. la seruirai. et se- rai en sa baillie. tant com vi urai. ne ia de sa seignorie. ne parturai. et se briement ne maie. trop grant mal trai. mes gueriz sui se gen ai. un biau senblant en ma vie. |
III. A touz les jorz de ma vie la servirai et serai en sa baillie tant com vivrai, ne ja de sa seignorie ne parturai; et se briement ne m'aïe trop grant mal trai, mes gueriz sui se g'en ai un biau senblant en ma vie. |
| Chancon ua ten sanz nule demorance. el douz pais. ou mes cuers cline ior et soir et matins. trop mi court li max sore. dont ie languis. dex uer re ie ia leure qun tres douz ris. puisse auoir de son cler vi(s). qui si mocit et aqueure. |
IV. Chançon, va t'en sanz nule demorance el douz païs ou mes cuers cline jor et soir et matins; trop mi court li max sore dont je languis. Dex! verre je ja l'eure q'un tres douz ris puisse avoir de son cler vis, qui si m'ocit et aqueure? |