Testo Careri 1996, p. 397.
| Can lo riu de la fontaina Sesclarzis si com far sol E par la flor aiglentina El rosinholet el ram Volt e refranh et aplana Son dous chantar et afina Dreitz es doncx quel mieu refranha. |
|
| Amors de terra londana Per uos totz mos cors mi dol E non puesc trobar metzina Si non uauc al sieu reclam Ab maltrait damor dousana En uergier o sotz cortina Ab dezirada companha. |
|
| A totz iorns men faill aizina Nom merauill sim naflam Car anc genser crestiana Non fes dieu ni no la uol Iauziena ni Sarrazina Ben es sel pagutz de mana Drutz que de samor gazanha. |
|
| Can pensar mi fai aizina Adoncx labras e la col Mai pueis torn en reuolina Perquem nespert enafam Car so que floris non grana Lo ioi quem nataina Tro mos cuiatz a fait fanha. |
|
| Entre grec e trasmontana Volgresser ins el mar Et agues can e traina Ab que manes deportar Fuec e lenha espertana E pron peison per cozinar E midons per companha. |
|
| Senes breu de pargamina Tramet lo uers en chantan En plana lenga romana An ugo bru mon fillol Bom sap car gens peitauina De berriu e de bretanha Sesiau per lui e guiana. |