| I. |
| Quant ie plus uoi felon rire (et) enuoisier (et) iuer (et) uoi chescun qui sospire falsement por meuz guiler. lors me fait desconforter amors qui mes mals empire. Si ma done tel martire. Que senz morir me fait doloir Amors font de moi lor uoloir. ienduir les mals por ioie auoir. |
| Quant je plus voi felon rire et envoisier et juer et voi chescun qui sospire falsement por meuz guiler, lors me fait desconforter Amors, qui mes mals empire, si m'a doné tel martire que senz morir me fait doloir. Amors font de moi lor voloir, j'enduir les mals por joie avoir. |
| II. |
| Molt p(er) est cruels li sire. q(ua)nt on lo sert senz fauser. q(ui) se correce (et) aire q(ua)nt il doit guerre- doner. Soul ditant fait ablasmer la bele ou mes cuers se mire. Plus bele con puisse eslire la miez uaillanz des meillors. Se ie laim ne men blasmez mie. mes fins cuers ne panse aillors. |
| Molt per est cruels li sire, quant on lo sert senz fauser, qui se correce et aïre quant il doit guerredoner; soul d'itant fait ablasmer la bele, ou mes cuers se mire, plus bele c'on puisse eslire, la miez vaillanz des meillors. Se je l'aim ne m'en blasmez mie, mes fins cuers ne panse aillors. |
| III. |
| Tant redout son escondire (et) son orguillous parler. que deuant li nos rien dire. plai(n)dre ne merci crier. si se solace el panser mes cuers qui ail- lors ne tire. sen chant qant plus la remire. ie men lo (et) li men dueil. Encor soient ci mi oil. sest mes cuers la ou ie uoil |
| Tant redout son escondire et son orguillous parler que devant li n'os rien dire, plaindre, ne merci crier; si se solace el panser, mes cuers qui aillors ne tire, s'en chant qant plus la remire: je m'en lo et li m'en dueil. Encor soient ci mi oil, s'est mes cuers la ou je voil. |