 |
| Sercamonz. Lo plaing comenz ]ardimen[. iradamen. dun uers don hai lo cor dolen. ire dolor e marrimen. ai car uei abaissar iouen. maluestatz puei e. iois dissen. des pois muric lo peitauis. |
 |
| Remazut son li prez. eillau. qi solon issir de peitau. ai com lo plain li barrau. e sa longa sai estau. segners lo baro qieu mentau metet. sius platz. emparadis. |
 |
| Del comte de pitieu mi plaing. qera de proeza compaing. des pos pretz. e donars soffraing pezam sa lonias sai remaing. segners. de fern. lo faitz estraing. qe molt p(er) ]fon p(er)[ fon genta sa fis. |
 |
| Glorios dieus a uos me clam. car mi toletz. aq(e)ls qieuam. aissi com uos formetz adam. lo defendetz. del felliam. del foc defern qe non laflam. q(a)qest segles. nos es charnis. |
 |
| Aqest segle teing p(er) enic. qel paubres non aten. ni ric. ai con sen. uan tuit mei amic. e sai remanem. tuit mendic. pero sai ben qal uet afic. seran li mal dals bos deuis. |
 |
| Gasco cortes nominatiu. p(er)dut aues lo segnoriu. ser uos deu esser. (et)esqiu. don iouenz se clama. chaitiu. qar us non troba on saiziu. mas qan nanfos. qa ioi conquis. |
 |
| Plagnen lo norman e frances. e dieu lo be plagner. lo reis. cui laisset la terra el creis. pos tan grant honor. li creis. mal estara. si non pareis. chiuauge sobre serrazis. |
 |
| Aqil uan ioia. cui qe pez. de limozi edengolmes. si el uisqes. ni deu plagues. el los agra de se conqes. estort en son car dieus lo pres. el dos nes intratz en aunis. |
 |
| Lo plaingz. es de bona raggo. qe cercamonz tramet neblo ai com lo plaigno li gasco. cil de pain e darago. saint ]r[\i/acime. membreus del baro. qe deuant uos iai pelegris. |