Tu sei qui

Edizione diplomatica

Schede primarie

[c.81v]

Peire raimon.

s Ens allegrage. Chant per agradage. Follage. Fas qar
mon coradge. Seg lai on ses mes. Qanc plus saluage.
Reclus ni estage. Del meu senhorage. No(n) ag nuls hom pres.
q aissi fos presa. Del mal qe madesa. Mamia. Çella cui paug
peça. Qar mi fai languir. Mais on er qeça. Merces ni franqesa.
Pos la plus cortesa. Uol sens tort aucir.
p er meils aucire. Mi tornet en iai. Del lonc consire. Pois
tornet lesmai. Souen marbire. Qe totz men partirai. Pois sol me
uire. En trob mon cor lai.
s eria qeu laia. Greu cre qen deschaia. Sagramens sespaia.
Per fals mot escur. Ai bella (et) gaia. Plaçens no(n) ueraia. Uoillas
qeus desplaia. Greu mals don endur.
l ongein dura. Men aura. Auentura. Tals sim dura. Par mesura.

[c.82r]

Mi periura. Lo mals qe mauçi si. Qe d(e) rancura. Ni falsura. Ni se-
gura. Ses (con)iura. No(n) meillura. Ans sadura. Qant la prec de mi xi.
s ens uolria. Sol qe mia. Fos un dia. En mauia. Non daria.
Ma follia. Per qa torçes (1) sens. Cre qe sia. Qen nenbria. Mais (2) çom lia.
Seu podia. Con uencuç sofrens uenç
b en tain uença. Ben ualença. Leials qe no(n) chai lai. On se me(n)ça.
De ualença. Floris e uerai iai. Maintenensa. Ab temensa. Qer do(n)na
seus plai sai. Qar tel gensa. Conoisença. Qeus los seus desmai irai.
d el mal traire. Merçeiaire. Son e fins leials amaire. Qe no(n) uaire.
De ben faire. Qim sapcha graçir. Dir nous aus gaire. Con ueiaire. Qel
guaus beutaç don es maire. Me fa(n) traire. Mo(n) cor laire. Enaqest co(n)sir uir.
p ois uoil e ueire. En a qest consire. Don mais am martire. Qe
daltre gaçaing. Gen gaçaina. Cui ques plaina. Mi dons na mil en
romaina. Ualor maina. En qe baina. Son gai cors plaçen gen.
Bel e genta. Matalenta. Plus qa mege fals mal. (3)