[c.249vC]
 |
Descort. E N aqest son gai eleu- gier. faz descort ses alegransa. de uos q(e)m tolletz alegrier. e solatz e benanansa. gran peccat nau res e sobrier. sinom fas qalqe pidansa. L As qe farai. qieu no(n) o sai. q(i)eu noi trueb null bon conort. p(er) uos morrai e mout mi plai. pueis diran q(e) maues mort. |
[c.249vD]
 |
pero morir non uolria. humil(s) donna franchegaia. ni me- ster non miseria. se tot ses ric e ueraia. M Erce naiaz. de mi sius plaz. bella donna covine(n)ta. qar ben sapchaz. e me crezaz. qe ren ta(n) no matalenta. D Irai uos con sim pres lautrier. qan fui alentrar de fransa. qieu nagi tan fort dezirer e aitan gran remenbransa. de uostre gen cor plazentier. er gueilhos dumil semblansa. qar ades sui el drez sendier. pl(us) drez non es dartz ni lansa. Q Ar sai. ni lai. donnal cor gai. non prez auer autre conort. del (1) don mesmai. q(e) mi retrai. e si aues de mi gran tort. M As per neguna qe sia. nomdil cors qieu menestraia. e p(er) far tot qan uolria. e si sai tal qi masaia. |
[c.250rA]
 |
M Eilhs foronratz. qe nulls ho(m) natz. sol uostramors mi con- senta. ai consui fatz. qen a- moratz sia de uos donna ge(n)ta. D Escortz anaz tost e uiatz. aben uengut qes ualenta. de prez presatz. de prez onratz. eual de las meilhors trenta. |